fbpx
Föstudagur 22.mars 2019

DV - Frjáls og óháður miðill

Haglabyssa og henging

Áform Henryks og Alice fóru ekki saman

Kolbeinn Þorsteinsson
Þriðjudaginn 27. febrúar 2018 22:30

Ekki missa af Helstu tíðindum dagsins í pósthólfið þitt

Lesa nánar

Það var ófögur sjón sem mætti mjólkurpóstinum í Aldington í Kent á Englandi árla morguns 13. maí 1961. Þegar hann kom að heimili Alice Buxton við Frith-veg nánast hnaut hann um einhvern sem lá á veröndinni.
Þegar mjólkurpósturinn laut niður að manneskjunni sá hann að þar var engin önnur en Alice Buxton sjálf, eða líkið af henni, íklædd náttfötum og slopp.

Hlaup en ekkert skefti

Við líkið af Alice lá alblóðugt hlaup af tvíhleyptri haglabyssu og fór það ekki fram hjá lögreglunni þegar hún kom á vettvang. Skeftið var hvergi sjáanlegt.

Á flísalögðu gólfi uppþvottaherbergis inn af eldhúsinu lá líkið af Hubert, eiginmanni Alice. Hann hafði verið skotinn til bana.

Undirritað ástarbréf

Var nú leitað dyrum og dyngjum á heimili hjónanna í von um að þar fyndist eitthvað sem varpað gæti ljósi á atburði næturinnar. Á meðal þess sem fannst var rifrildi af bréfi sem hafði verið sent Alice, reyndar á eitthvert belgískt heimilisfang.

Greinilega var um ástarbréf að ræða og það var undirritað af „Henryk“. Bréfið hafði verið skrifað 8. maí og áframsent frá Belgíu til Kent.

Ljós bíll

Nágranni Buxton-hjónanna hafði séð ljósan bíl sem hafði verið lagt rétt við húsið um klukkan korter yfir níu kvöldið áður.

Enn fremur uppgötvaði lögreglan að ein vinkvenna Alice hét Grypa Niemasz. Eiginmaður Grypu átti ljósan bíl og eiginmaðurinn hét … Henryk.

Sem betur fer fyrir Henryk og því miður fyrir lögregluna hafði Henryk skothelda fjarvistarsönnun: Hann hafði verið uppi í rúmi hjá eiginkonu sinni. Þetta staðfesti Grypa aðspurð.

Skeftið finnst

En lögreglan vildi ekki játa sig sigraða og fór heim til Niemasz-hjónanna nokkrum dögum síðar. Í smáhýsi baka til fannst brotið skefti af haglabyssu og Henryk var handtekinn með það sama.

Skeftið tilheyrði greinilega hlaupinu sem hafði fundist við líkið af Alice og á því voru fingraför Henryks. Alblóðugar buxur af Henryk fundust einnig og þegar þar var komið sögu sá Grypa sitt óvænna og viðurkenndi að hún hefði logið til um fjarvistarsönnun eiginmanns síns.

Óraunhæf áform Alice

Henryk upplýsti lögregluna um að hann og Alice hefðu verið elskendur. Hún hefði heimtað að þau hlypust á brott saman, en Henryk hefði aldrei ætlað sér að fara frá Grypu.

Hvað morðin áhrærði sagði Henryk að hann hefði hitt mann, George að nafni, á ónefndri krá. George hefði samþykkt að myrða Alice og Hubert fyrir lítil 60 sterlingspund.

Síðasta hengingin

Merkilegt nokk þá lagði kviðdómur ekki trúnað á þá frásögn Henryks og hann var dæmdur til dauða. Föstudaginn 8. september, 1961, naut Henryks þess vafasama heiðurs að verða síðasti maðurinn sem var hengdur í London. Það var gert í Wandsworth-fangelsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 1 klukkutíma

Verður Hamren valtur í sessi ef illa fer í kvöld? – ,,Ef illa fer hjálp­ar ekk­ert til að benda á óboðleg­ar aðstæður“

Verður Hamren valtur í sessi ef illa fer í kvöld? – ,,Ef illa fer hjálp­ar ekk­ert til að benda á óboðleg­ar aðstæður“
Eyjan
Fyrir 1 klukkutíma

Katrín neitar að birta minnisblaðið um mögulegar afleiðingar dóms MDE

Katrín neitar að birta minnisblaðið um mögulegar afleiðingar dóms MDE
Kynning
Fyrir 2 klukkutímum

Epson WorkForce Pro prentarar: Umhverfisvænni, hraðvirkari og nú á afslætti

Epson WorkForce Pro prentarar: Umhverfisvænni, hraðvirkari og nú á afslætti
433Sport
Fyrir 2 klukkutímum

Ánægður með að vera staddur erlendis: ,,Martröð fyrir okkur öll ef þeir vinna titilinn“

Ánægður með að vera staddur erlendis: ,,Martröð fyrir okkur öll ef þeir vinna titilinn“
Pressan
Fyrir 3 klukkutímum

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði
Pressan
Fyrir 4 klukkutímum

Minni líkur á að Evrópubúar og Bandaríkjamenn fái elliglöp en áður

Minni líkur á að Evrópubúar og Bandaríkjamenn fái elliglöp en áður
433
Fyrir 12 klukkutímum

Úrslit kvöldsins í undankeppni EM: Hazard með tvennu – Tæpt hjá Króatíu

Úrslit kvöldsins í undankeppni EM: Hazard með tvennu – Tæpt hjá Króatíu
433Sport
Fyrir 12 klukkutímum

Ein ótrúlegasta tölfræði sem þú hefur séð: Það er enginn munur á liðinu

Ein ótrúlegasta tölfræði sem þú hefur séð: Það er enginn munur á liðinu