Á mánudag fór fram aðalmeðferð í máli Guðjóns Skarphéðinssonar gegn ríkinu. Eins og glöggir muna var Guðjón dæmdur í tíu ára fangelsi fyrir meintan hlut í dauða Geirfinns Einarssonar. Guðjón var síðar sýknaður 2018. Guðjón vill fá 1,3 milljarða frá ríkinu fyrir þá áratugi sem hann var bendlaður við morð að ósekju. Ríkið telur 145 milljónir hæfilegar. Nýjasta vendingin er sú að ríkið telur að það sé Guðjóni að kenna að hann hafi verið sakfelldur. Hann hafi játað og ríkið taki ekkert mark á einhverjum hippakenningum um falskar játningar. Svo sé krafan líka fyrnd því það er svo langt síðan Guðjón var sakfelldur og mannorð hans eyðilagt vegna glæps sem hann ekki framdi.