Sagt er að um hundrað þúsund manns noti sjálfvirk almenningssalerni í miðbæ Reykjavíkur á ári hverju. Nú er verið að fjarlægja salernin og ekki er búið að semja við nýja aðila um rekstur þessa þarfaþings. Tafir hafa orðið á útborðsferlinu sem er enn í vinnslu og mun svo sjálft ferlið taka um sex vikur þegar það kemst loks í gang. Hundrað þúsund manns samsvara að meðaltali ríflega átta þúsund manns mánaðarlega, eða 12 þúsund á sex vikum sem þurfa að gera sér að góðu að skíta inni á veitingastöðum, í verslunum eða hjá öðrum þjónustufyrirtækjum í miðbænum. Þá munu líklega einhverjir gera sér að góðu, líkt og áður hefur gerst, að kúka í guðsgrænni náttúrunni, Reykvíkingum til lítillar gleði. Þetta er frábær leið til að byrja nýja árið. Borgin með kúkinn í buxunum.