Vandræði íslensku flugfélaganna fara ekki fram hjá neinum og óvíst hvernig öll þau mál æxlast. Icelandair leitar að nýjum forstjóra og gætu menn þar á bæ gert margt vitlausara en horfa til Gylfa Sigfússonar sem stýrt hefur Eimskip af festu frá hruni.
Gylfi er ekki mikið fyrir að ota sínum tota, en hann nýtur mikils trausts og lætur verkin tala. Af þeim sökum er hann einn áhrifamesti maðurinn í íslensku viðskiptalífi nú um stundir og líklegt að Samherjamenn, sem eiga nú stærstan hlut í skipafélaginu, muni verjast allri ásókn í forstjórann af mikilli hörku.
