fbpx
Sunnudagur 22.september 2019  |

Sjáðu hvað Katrín sagði árið 2015 – Þetta er veruleikinn í dag

Orðið
Fimmtudaginn 20. september 2018 19:40

Ekki missa af Helstu tíðindum dagsins í pósthólfið þitt

Lesa nánar

„Laun verða að vera þannig að hægt sé að lifa af þeim,“ sagði Katrín Jakobsdóttir í tilfinningaþrunginni ræðu árið 2015 í umræðum um störf Alþingis þar sem rætt var um kröfu Starfsgreinasambandsins um að taxtar yrðu ekki lægri en 300 þúsund á mánuði. Katrín sagði: (sjáðu myndskeið af ræðu Katrínar neðst í umfjölluninni)

„Mikil verðmæti og miklir fjármunir eru til í samfélaginu en þeim er hins vegar gríðarlega ójafnt skipt. Því er ekki óeðlilegt að verkalýðshreyfingin setji fram kröfur um að fólk geti lifað af launum sínum.“

Þá benti Katrín á að stjórnvöld hefðu sjálf gefið út viðmið um hvaða laun væru nægilega há til að lifa af þeim.

„Ég fór að gamni mínu inn á reiknivél velferðarráðuneytisins þar sem birt eru neysluviðmið fyrir íslenska fjölskyldu og setti þar inn fjölskyldu eins og mína, þrjú börn og tvo fullorðna. Þegar skoðuð eru heildarútgjöld án húsnæðiskostnaðar, sem eru dæmigerð viðmið fyrir heimili, eru útgjöldin 641 þúsund krónur á mánuði.“

Katrín var í stjórnarandstöðu á þessum tíma og tveimur árum síðar, þegar hún var enn í sama hlutverki, var ræða hennar eftir stefnuræðu Bjarna Benediktssonar, þáverandi forsætisráðherra, með svipuðum hætti. Nú þegar Katrín er sjálf orðin forsætisráðherra er komið annað hljóð í strokkinn. Í lok ágúst sagði Katrín að komandi kjaraviðræður verði strembnar og ríkisstjórnin sé ekki í stöðu til að skilgreina hvort svigrúm sé til launahækkana.

Flokkur fólksins vildi nýverið sjá skattleysismörk hækka upp í 320 þúsund. Svar Bjarna Benediktssonar fjármálaráðherra var að yrðu skattleysismörk hækkuð myndi það kosta ríkissjóð 149 milljarða. Guðmundur Ingi Kristinsson, hjá Flokki fólksins, gaf lítið fyrir svör Bjarna og sagði: „Þá er búið að taka þessa 150 milljarða af eldri borgurum og öryrkjum og láglaunafólki og þá bara skilum við þessu.“

Katrín sagði sjálf árið 2015 að sambúðarfólk á lægstu töxtum sem væri að vinna úti myndi ekki ná endum saman. Staðan er ekkert breytt í dag. Lægsti launataxti verkafólks nemur rétt rúmum 266 þúsundum á mánuði og hæsti virki launataxti verkafólks á hinum almenna vinnumarkaði slefar í rétt rúm 300 þúsund á mánuði. En flestir verkamenn á hinum almenna markaði taka laun eftir launatöxtum sem nema frá 270 til 285 þúsund á mánuði. Katrín sjálf er með rúmar tvær milljónir í laun á mánuði. Katrín sagði í ræðu sinni árið 2015.

„Stöðugleiki verður ekki eingöngu mældur í hagstærðum, hann verður líka að mæla í því að fólk geti lifað af launum sínum.“

Það er ekki orðið á götunni heldur staðreynd að Katrín Jakobsdóttir leiðir ríkisstjórn lands þar sem fólk lifir undir fátækramörkum, líkt og Katrín vitnaði svo skörulega til fyrir þremur árum. Reiknivél velferðarráðuneytisins staðfestir það. Það er rétt að stöðugleiki verður ekki mældur í hagstærðum. Og það er líka rétt að fólk verði að geta lifað af launum sínum. En ríkisstjórn Katrínar virðist ekki hafa dug í sér til að breyta því.

Myndbandið má sjá í fullri lengd á vef Alþingis.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Logi skilinn

Ekki missa af

Fréttir
Fyrir 12 klukkutímum

Ingólfur Steinar er laus úr prísundinni – „Hann hélt mér í aukamánuð út af umsögn á TripAdvisor“

Ingólfur Steinar er laus úr prísundinni – „Hann hélt mér í aukamánuð út af umsögn á TripAdvisor“
Kynning
Fyrir 12 klukkutímum

Kynslóðaskipti og fjölbreyttari þjónusta hjá MD vélum

Kynslóðaskipti og fjölbreyttari þjónusta hjá MD vélum
Fréttir
Fyrir 13 klukkutímum

Valur Íslandsmeistari kvenna 2019

Valur Íslandsmeistari kvenna 2019
433Sport
Fyrir 13 klukkutímum

Leiknir F. og Vestri í Inkasso-deildina

Leiknir F. og Vestri í Inkasso-deildina
Fókus
Fyrir 14 klukkutímum

Manuela Ósk ósatt: „Þetta er bara hreinn og beinn dónaskapur“

Manuela Ósk ósatt: „Þetta er bara hreinn og beinn dónaskapur“
433
Fyrir 15 klukkutímum

Sjáðu bakpokann sem hetja Leicester mætti með – Rándýr en þykir forljótur

Sjáðu bakpokann sem hetja Leicester mætti með – Rándýr en þykir forljótur
Fréttir
Fyrir 15 klukkutímum

Sólveig skýtur til baka: „Ég get ekki blokkað Þráinn Hallgrímsson út úr lífi mínu en mikið vildi ég óska þess“

Sólveig skýtur til baka: „Ég get ekki blokkað Þráinn Hallgrímsson út úr lífi mínu en mikið vildi ég óska þess“
433
Fyrir 16 klukkutímum

Var löngu kominn með nóg hjá Liverpool – ,,Fékk ekkert til baka“

Var löngu kominn með nóg hjá Liverpool – ,,Fékk ekkert til baka“
Fréttir
Fyrir 17 klukkutímum

Lögreglumaður gekk fram á lík við Vatns­fell

Lögreglumaður gekk fram á lík við Vatns­fell