fbpx
Föstudagur 23.ágúst 2019  |

DV - Frjáls og óháður miðill

Orðið á götunni

Diamond Beach rokkar

Þau ætla að kæfa Braggablúsinn

Ari Brynjólfsson og Bjartmar Oddur Þeyr Alexandersson
Föstudaginn 12. október 2018 21:30

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Yfirvöld og starfsmenn Reykjavíkurborgar hafa frá fyrsta degi reynt að koma í veg fyrir fréttaflutning af Braggablúsnum svokallaða í Nauthólsvík. Það hefur alltaf verið erfitt að fá upplýsingar um einstök atriði er varða kostnað og gríðarlega framúrkeyrslu á verkefninu. Í hvert sinn sem við blaðamenn tökum upp símann til að fá upplýsingar sem eiga skýrt erindi við almenning þá er reynt að fela upplýsingar og drepa þessu máli á dreif.

Skýrasta dæmið er þegar blaðamaður fór niður í Ráðhús Reykjavíkur til að ræða málið, strax á fyrstu sekúndu reyndi starfsmaður borgarinnar að hindra að blaðamaður kæmist að einhverju. Blaðamaður DV mátti alls ekki fá símanúmer hjá ákveðnum starfsmanni borgarinnar til að fá viðkomandi til að ræða málið. Svo fór að blaðamaður dó ekki ráðalaus og fletti símanúmerinu einfaldlega upp á vef borgarinnar.

Um leið og búið var að nefna að innri endurskoðun ætti að rannsaka Braggablúsinn þá fórum við að fá þau svör að það mætti alls ekki ræða mál sem væri til rannsóknar. Skipti engu að á þeim tímapunkti var rannsókn ekki hafin og það var ekki einu sinni búið að taka formlega ákvörðun um að fela innri endurskoðun að gera slíka rannsókn.

Nú þegar rannsóknin er hafin þá er farin í gang herferð til að kæfa málið og koma því af forsíðum fjölmiðla. Línan sem borgarstarfsmenn eiga að segja er komin:

„Ég get ekki rætt frekar um þetta mál því það má ekki spilla rannsóknarhagsmunum.“

Svipaða frasa má nú heyra hjá fyrirtækjunum sem hafa fengið tugi milljóna frá borgarbúum vegna braggans, vísa Arkíbúllan og Efla bara á Reykjavíkurborg og neita að ræða málið á meðan það er í rannsókn.

Málið er vissulega í rannsókn, Það er bæði í rannsókn hjá innri endurskoðun og hjá fjölmiðlum. Með því að neita að ræða málið er Reykjavíkurborgm og fyrirtækin sem hafa þegið tugi milljóna; yfir hundrað milljónir í einu tilviki, að hindra að þeir sem borga reikningana á endanum viti hvað var gert fyrir þeirra peninga og í þeirra nafni.

Það er ótal margt sem við eigum eftir að fá upp á yfirborðið. Til dæmis:

Hvernig kom það til að Margrét Leifsdóttir hjá Arkíbúllunni fékk umboð til að ráða verktaka í nafni starfsmanns borgarinnar? Hvers vegna gerði Efla verkfræðistofa þrjár kostnaðaráætlanir fyrir braggann? Hvers vegna vildi Efla yfirleitt gera þriðju kostnaðaráætlunina eftir að fyrstu tvær fóru í vaskinn? Hvað vissu embættismenn, borgarfulltrúar meirihlutans og minnihlutans um málið og hvenær? Hver bjó til frasann sem starfsmenn borgarinnar þylja í sífellu og í hvaða tilgangi? Hvað mun bragginn kosta þegar upp er staðið? Og ætlar borgin að halda áfram að greiða sömu aðilum fyrir að klára braggann og ráða aftur sömu aðila til að sinna öðrum verkefnum? Ber einhver pólitíska ábyrgð á Braggablúsnum?

Já, þetta er mikið af spurningum og þeim fer bara fjölgandi eftir því sem loðnari svör berast. Þegar skoðaðar eru eldri skýrslur innri endurskoðunar er augljóst að þeirra rannsókn, eins mikilvæg og hún er, mun ekki svara öllum þeim spurningum sem þarf að svara.

Við munum aldrei komast að öllum sannleikanum í málinu. Við getum ekki vitað hver er vinur hvers og hvað var sagt í einkasamtölum eða símtölum einstakra aðila í málinu. Við getum ekki komist að því hvort það hafi verið samantekin ráð milli borgarinnar og verktaka að reyna að kæfa málið.

Við vitum það hins vegar án þess að geta fengið það skjalfest að þau ætla að kæfa Braggablúsinn.

Lesandi góður, við ætlum ekki að leyfa neinum að kæfa málið.

Þetta mál mun ekki hverfa fyrr en öllum stórum spurningum hefur verið svarað.

Leiðari helgarblaðs DV

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 klukkutímum

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja

Þorvaldur vill ekki sjá vindmyllur á Íslandi: „Sjást úr margra tuga kílómetra fjarlægð“ – Hærri en Hallgrímskirkja
Eyjan
Fyrir 2 klukkutímum

Gríðarlegur verðmunur á Reyka vodka á Íslandi og í Bandaríkjunum

Gríðarlegur verðmunur á Reyka vodka á Íslandi og í Bandaríkjunum
433
Fyrir 3 klukkutímum

Martial elskar að spila í treyju númer 9 – Ætlar að sanna að hann sé bestur

Martial elskar að spila í treyju númer 9 – Ætlar að sanna að hann sé bestur
Eyjan
Fyrir 3 klukkutímum

Svona verða stúdentaíbúðirnar við Gamla Garð – Notast við tillögu sem varð í 2. sæti

Svona verða stúdentaíbúðirnar við Gamla Garð – Notast við tillögu sem varð í 2. sæti
433
Fyrir 3 klukkutímum

Van Dijk ætlar að fara úr sviðsljósinu um leið og ferill hans er á enda

Van Dijk ætlar að fara úr sviðsljósinu um leið og ferill hans er á enda
Fókus
Fyrir 4 klukkutímum

Hræðileg reynsla Theodóru af leigubílsstjóra á menningarnótt: „Ég fæ martraðir, heilu ári seinna“

Hræðileg reynsla Theodóru af leigubílsstjóra á menningarnótt: „Ég fæ martraðir, heilu ári seinna“
Kynning
Fyrir 4 klukkutímum

Mýrin vatnsleikfimi: Heilsuefling í vatni

Mýrin vatnsleikfimi: Heilsuefling í vatni
433Sport
Fyrir 5 klukkutímum

Lukaku mætti fjórum kílóum of þungur til æfinga í sumar

Lukaku mætti fjórum kílóum of þungur til æfinga í sumar
Fókus
Fyrir 5 klukkutímum

Silja hleypur fyrir dóttur sína og önnur börn með Kabuki heilkennið

Silja hleypur fyrir dóttur sína og önnur börn með Kabuki heilkennið