Í nótt og á morgun munu flestar sundlaugar landsins opna að nýju eftir samkomubannið. Íslendingar eru þekktir fyrir ást sína á sundi og því má búast við því að fjölmennt verði í laugunum á næstu dögum. Frá þessu greinir Inverse
Ernest Blatchey er umhverfisverkfræðiprófessor hjá Purdue-háskólanum í Indiana-fylki, Bandaríkjunum. Blatchey hefur rannsakað efnafræði í sundlaugum til fjölda ára, þá sérstaklega áhrif klórs. Hann situr auk þess í mikilvægum nefndum er varða sundlaugaöryggi í Bandaríkjunum, en þar munu sundlaugar opna bráðlega líkt og hér á landi.
Blatchey tjáði sig um hverjar væru hætturnar á því að smitast af COVID-19 í sundlaugum. Hann telur líkurnar á því litlar.
„Það eru engin gögn sem sína að klór hafi nokkur áhrif á kórónavírusinn, en við vitum hins vegar að klór virkilega dregur úr mætti svipaðra vírusa.“
„Í góðri sundlaug ætti vatnið sjálft að vera ansi lítil ógn, svo lítil ógn að flestir myndu sætta sig við áhættuna,“
„Hinsvegar eru ekki 0% líkur á smiti ef þú ferð í sund vegna þess að við erum ekki alveg ofan í vatninu allan tíman.“
Blatchey segir að þrátt fyrir að sundlaugar opni sé mikilvægt að virða ýmsar reglur til dæmis þær sem varða fjarlægð frá öðru fólki. Samkvæmt Blatchey kemur engin ógn frá sjálfu vatninu en fletirnir sem umlykja það gætu verið hættulegir.
„Ég á erfitt með að trúa því að sjálft vatnið beri einhverja hættu. Heldur er það umgjörð sundlaugarinnar.“