Haukur Guðmundsson, fyrrverandi rannsóknarlögreglumaður, lést á sjúkrahúsinu Keflavík í gær.
Frá þessu greinir bróðursonur Hauks, fréttamaðurinn Magnús Hlynur Hreiðarsson, á Facebook-síðu sinni.
Samkvæmt heimildum hafði Haukur strítt við veikindi undanfarna mánuði.
Haukur var fæddur 7. júní 1944 á Brekku, í Vogum á Vatnsleysuströnd. Hann bjó mestan hluta ævi sinnar í Keflavík og Njarðvík.
Haukur starfaði meðal annars við rekstur eigin kranabílaþjónustu en þekktastur var hann fyrir störf sín sem rannsóknarlögreglumaður í Keflavík, en hann kom þar meðal annars að rannsókn á hvarfi Geirfinns Einarssonar.
Árið 2010 kom út sjálfsævisaga Hauks Guðmundssonar, 19. nóvember, sem Freyja Jónsdóttir skrásetti.
Haukur ræddi Geirfinnsmálið í viðtali við DV í haustbyrjun 2025, sjá hér.
