Fréttir

Athafnamaðurinn úrskurðaður í gæsluvarðhald

Mynd
Lögreglan á höfuðborgarsvæðinu.

Íslenskur athafnamaður á sextugsaldri sem var handtekinn í Leifsstöð í gærkvöldi, eftir komuna til landsins, hefur verið úrskurðaður í gæsluvarðhald.

Þetta kemur fram í tilkynningu frá lögreglunni á höfuðborgarsvæðinu. Athafnamaðurinn var handtekinn í tengslum við umfangsmikla rannsókn á fíkniefnamisferli og peningaþvætti.

Í tilkynningunni segir að hann hafi verið úrskurðaður í gæsluvarðhald til föstudagsins 9. október í þágu rannsóknar málsins

Sex aðrir hafi verið upphaflega úrskurðaðir í gæsluvarðhald vegna málsins, en þeir séu allir lausir úr haldi.