Kristrún Frostadóttir forsætisráðherra boðar á samfélagsmiðlum til fundaraðar víða um land nú í aðdraganda þjóðaratkvæðagreiðslunar 29. ágúst um framhald aðildarviðræðna Íslands við ESB. Kallar hún fundina hlustunarfundi.
Kristrún skrifar á samfélagsmiðlum:
„Næstu vikur ætla ég að halda hlustunarfundi vítt um land. Til að hlusta á ólík sjónarmið og eiga hreinskiptið samtal um hagsmuni Íslands. Hver eru tækifærin? En áhyggjurnar? Hvernig vinnum við áfram með leiðsögn þjóðarinnar 29. ágúst? Til að styrkja Ísland. Ég hlakka til að hitta ykkur – og ég veit að þessi hlustunarfundir verða gott veganesti fyrir haustið.“
Borið hefur á gagnrýni í garð Kristrúnar fyrir að beita sér lítið í umræðunni um atkvæðagreiðsluna, nú síðast frá Rósu Björk Brynjólfsdóttur formanni Vinstri grænna.
Með fundaröðinni virðist Kristrún hins vegar ætla að taka fullan þátt í umræðunni.
Fundarstaðir og tímasetningar eru eftirfarandi:
REYKJANESBÆR
Fjölbrautaskóli Suðurnesja, þriðjudagur 11. ágúst kl. 20:30
ESKIFJÖRÐUR
Eskifjarðarskóli, miðvikudagur 12. ágúst kl. 20:30
DJÚPIVOGUR
Langabúð, fimmtudagur 13. ágúst kl. 8:30
AKUREYRI
Hamar (félagsheimili Þórs), sunnudagur 16. ágúst kl. 12:00
PATREKSFJÖRÐUR
Verbúðin, þriðjudagur 18. ágúst kl. 12:00
BORGARFJÖRÐUR
Félagsheimilið Brún í Bæjarsveit, þriðjudagur 18. ágúst kl. 20:00
SELFOSS
Miðbæjartorgið (nýja miðbænum), mánudagur 24. ágúst kl. 17:00
KÓPAVOGUR
Salurinn, mánudagur 24. ágúst kl. 20:00
REYKJAVÍK
Staðsetning auglýst síðar, miðvikudagur 26. ágúst kl. 17:30
Kristrún bætir við að lokum að hún verði einnig á Hólahátíð í Skagafirði og í Hornafirði vegna vinnufundar ríkisstjórnar í næstu viku.
