Skjálfti í stærri kantinum varð í Bárðarbungu fyrr í kvöld.
Í tilkynningu frá Veðurstofu Íslands kemur fram að skjálftin hafi mælst af stærð M4,1 – en eftir eigi að yfirfæra mælinguna til að staðfesta stærðina. Skjálftanum hafi fylgt nokkrir minni eftirskjálftar. Í morgun hafi einnig orðið skjálfti á sömu slóðum af stærð M3,5.
Í tilkynningunni segir enn fremur að skjálftavirkni hafi aukist nokkuð síðasta eina árið eða svo í Bárðarbungu en á þessu ári séu 10 ár síðan gosinu í Holuhrauni lauk. Jarðskjálftar séu algengir í Bárðarbungu en síðast hafi skjálfti af svipaðri stærðargráðu 4,36 orðið þann 15. apríl síðastliðinn.
Í nýrri tilkynningu frá Veðurstofunni segir að skjálftinn hafi verið enn stærri en fyrstu niðurstöður gáfu til kynna. Yfirfarin stærð skjálftans sem varð í Bárðarbungu hafi verið M4,8. Nokkur eftiskjálftavirkni hafi fylgt en engin merki séu um gosóróa. Skjálftinn hafi fundist meðal annars í Suðursveit.
