Dýrlingurinn heilög Teresa af Avila var nýlega grafin upp og hefur verið sett til sýnis á Spáni. Þykir hún líta merkilega vel út.
Teresa var nunna í bænum Avila, skammt vestan við borgina Madríd á Spáni. Hún var fædd árið 1515 og lést árið 1582, 67 ára að aldri, það er fyrir 443 árum síðan. Var hún lykilmanneskja í þróun karmelklaustra. En nunnuklaustrið í Hafnarfirði er einmitt af þeirri reglu. Teresa var gerð að dýrlingi árið 1622, 40 árum eftir dauða sinn.
Í frétt breska blaðsins The Daily Mail um málið segir að Teresa líti vel út miðað við aldur. Hún liggur í silfraðri líkkistu með marmara. Andlit hennar enn þá sýnilegt og útlimirnir heilir.
Er ástand hennar talið vera kraftaverk eitt og sér. Fjöldi fólks hefur komið til að sjá heilaga Teresu, sem er til sýnis í kirkju í bænum Alba de Tormes.
Lík Teresu var síðast grafið upp árið 1914. Miðað við ljósmyndir sem voru teknar þá sést að hún hefur lítið breyst.
„Það er enginn litur, enginn húðlitur þar sem hún er orðin að múmíu. En það er hún sést vel, sérstaklega í miðju andlitinu. Sérfræðilæknar segjast geta séð andlit hennar nánast fullkomlega,“ sagði presturinn Marco Chiesa ánægður.
Heilög Teresa er verndardýrlingur skákmanna, blúndugerðarmanna, munaðarleysingja, fólks sem er smánað fyrir trú sína, munka og nunna, og sjúkra.
