Óskað var aðstoðar lögreglu í gærkvöld vegna einstaklings sem var fastur inni á salerni í mathöll. Læsingin hafði eyðilagst og hurðin var föst í lás. Brjóta þurfti upp hurðina til að losa viðkomandi út af salerninu.
Frá þessu greinir í dagbók lögreglu en þar kemur fram að þrír eru nú vistaðir í fangageymslu lögreglu og alls 66 mál voru skráð frá því kl. 17 í gær til 5 í morgun.
Erlendur maður var handtekinn grunaður um ólögmæta dvöl i landinu, sem og um peningaþvætti. Var hann vistaður í fangaklefa í þágu rannsóknar málsins.
