Í byrjun september greindi DV frá því að TikTok myndband af Yrsu Lalíu, þá sjö mánaða, að fá gleraugu, væri komið með yfir 116 milljón áhorf.
Sjá einnig: 116 milljón áhorf eru á TikTok-myndband af Yrsu sjö mánaða
Síðan þá hafa áhorfstölurnar bara hækkað, og eiga líklega eftir að hækka enn meira því ein af þeim sem deilt hafa myndbandinu síðasta sólarhring er bandaríska tónlistarkonan Britney Spears.
„Barn sér í fyrsta skiptið!!!“ skrifar Britney við færslu sína á Instagram og tagga TikTok aðgang Kristjönu Rutar. Britney sjálf er með 42 milljón fylgjenda.
View this post on Instagram
Kristjana Rut Atladóttir, þrítug, er móðir Yrsu Lalíu, sagði við DV í byrjun september að viðbrögðin við myndbandinu hefðu komið henni gríðarlega á óvart. Hún hefði verið með um 1700 fylgjendur, allt Íslendinga og aðallega birt myndbönd af fjölskyldulífinu og af sjálfri sér í matargerð og bakstri. Hún býr með barnsföður sínum, Daníel Jóhanni, og dætrum þeirra, Eivör Lalíu, tveggja ára, og Yrsu Lalíu, sjö mánaða.
Margir hafa furðað sig á hvernig er hægt að mæla sjón hjá svona ungu barni.
„Með því að setja dropa í augun og mæla með sjóntæki,“ segir Kristjana Rut, sem hefur birt annað myndband til að sýna hvaða hreyfing dóttur hennar gaf til kynna að hún þyrfti á gleraugum að halda. Um fimm mánaða hafi hún byrjað að beygja höfuðið til hliðar. Í kjölfarið hafi foreldrunum verið vísað til augnlæknis sem greindi Yrsu Lalíu með +7 í fjærsýni. Þar sem sjón ungbarna breytist ört þarf hún að koma í sjónmælingu aftur eftir hálft ár.
@tiktokkrissa Replying to @Berklawg ♬ original sound – Kris
Kristjana Rut segist hafa vaknað upp við fjölda skilaboða, og að Britney hafi deilt myndbandinu hennar.
@tiktokkrissa♬ original sound – Kris
Hér er myndbandið af Yrsu Lalíu að fá gleraugu, en áhorf er komið í 140,7 milljónir.
@tiktokkrissa Hjálp 😭🫶🏼 #firstglasses ♬ original sound – Kris
