Alvarlegt slys varð við Ægisgarð í Reykjavíkurhöfn þegar bifreið fór út af bryggjunni, í gær gamlársdag.
Samkvæmt tilkynningu frá Lögreglunni á höfuðborgarsvæðinu var einn karlmaður um borð en um var að ræða fólksbifreið sem endaði í höfninni. Slysið varð eftir hádegið í gær. Kafarar frá Slökkviliði höfuðborgarsvæðisins fundu manninn og náðu að koma honum upp úr sjónum, en hann var þá meðvitundarlaus. Í tilkynningunni segir endurlífgunartilraunir hafi verið hafnar þegar í stað og maðurinn í framhaldinu fluttur á Landspítalann. Ástand hans er í tilkynningunni mjög alvarlegt og ekki sé hægt að veita frekari upplýsingar um málið.
