Sundkennari varar foreldra við því að setja handklæði utan um axlirnar á börnum sínum. Það sé til betri og öruggari leið til þess að þurrka þau eftir sundsprett.

Eins og greint er frá í frétt breska blaðsins The Daily Mail varar sundkennarinn Nikki Scarnati við því að foreldrar þurrki börn sín með því að setja handklæði utan um axlir þeirra. Þetta er vegna þess að ef handklæðið er yfir axlirnar þá eiga þau mun erfiðara með að hreyfa sig ef þau detta í vatn. Það getur beinlínis verið hættulegt.

„Ég hef séð fólk gera þetta svo oft og ég gerði þetta sjálf í langan tíma án þess að átta mig á því,“ sagði Scarnati. „Þegar barnið þitt kemur upp úr lauginni þá er það sjálfrátt hjá þér að vilja hylja þau algerlega með handklæði. En en þau detta í laugina með það á sér þá geta þau ekki hreyft hendurnar undir þungu og blautu handklæðinu.“

@scarnati.swim Thats right! Make sure your towel is UNDER your littles arms. NOT on top. Follow along for more water safety content 🥰 #selfrescue #selfrescueswimming #selfrescueswim #watersafety #drowningpreventionawareness #drowningprevention #springhillisr ♬ original sound – Nikki Scarnati

Til sé mun betri og öruggari leið til að þurrka börn. Það er að þurrka hendurnar fyrst og vefja handklæðið svo utan um barnið undir handarkrikunum þannig að hendurnar séu lausar.

„Með þessari leið þá hafa þau enn þá frelsi til að hreyfa útlimina ef þau detta í vatnið og geta bjargað sér sjálf og þau eru miklu öruggari,“ sagði hún.