Héraðsdómur Reykjavíkur kvað upp dóm þann 30. ágúst síðastliðinn yfir Evu Marý Þórönnudóttur og dæmdi hana í átta mánaða fangelsi fyrir fjölmörg brot. Refsingin er ekki skilorðsbundin. Auk þess var áréttuð ævilöng ökuleyfissvipting Evu Marý.
Brotin varða meðal annars fjársvik og þjófnaði, akstur undir áhrifum vímuefna og árás á kvenkyns leigubílstjóra sem Eva Marý sló utan undir. Brotin voru framin á tímabilinu 2019 til 2023 en töluverður dráttur varð á rannsókn og málaferlum. Eva Marý játaði öll brot sín skýlaust fyrir dómi.
Eva Marý á að baki langan lista af afbrotum í gegnum árum og hefur nafn hennar oft komið fyrir í fréttum, meðal annars vegna baráttu hennar við fíknisjúkdóm. Mannlíf gerði málum hennar skil fyrir nokkrum árum. Í lok desember árið 2020 birti Mannlíf frétt þess efnis að Eva Marý hefði sent hjálparkall inn í fjölmennan Facebook-hóp þar hún sem rakti örlagasögu sína, sagðist vera á leiðinni í meðferð og óskaði eftir fjárframlögum.
Mannlíf greindi síðan frá því í annarri frétt um miðjan janúar árið 2021 að þann sama dag og Eva Marý birti hjálparkallið á Facebook hefði henni verið birt ákæra þar sem hún var sökuð um að hóta því að taka ungbarn af lífi. Eva Marý var þá ákærð fyrir eftirfarandi skilaboð á Facebook:
Í þeim dómi sem hér um ræðir kemur fram að brotaferill hennar nær allt aftur til ársins 2016. Meirihluti brota hennar varða akstur undir áhrifum vímuefna.
Auk átta mánaða fangelsisdóms var Eva Marý dæmd til að greiða leigubílstjóranum sem hún sló utan undir rúmlega 125 þúsund krónur í miskabætur.
Dóminn má lesa hér.
