Árið 1966 hófu Frakkar umdeildar tilraunir með kjarnorkusprengingar í Kyrrahafi, ekki langt frá Frönsku Pólynesíu. Alls voru 193 sprengingar framkvæmdar á þessu tímabili og þar af 41 þeirra ofan jarðar. A

Síðasta áratug eða svo hefur staðið yfir herferð íbúa há íbúum eyríkisins, sem tilheyrir Frakklandi,  þar sem farið er fram á skaðabætur vegna afleiðinga tilraunanna.  Árið 2018 til að mynda kærði forseti eyríkisins , Oscar Temaru, Frakka til  alþjóðlega sakamáladómstólsins fyrir athæfi sitt.

Sagði í kærunni að tilraunirnar hefðu haft alvarlegar afleiðingar fyrir heilsufar íbúa Frönsku Pólynesíu.

Í umfjöllun CNN er farið ítarlega yfir málið en þar er meðal annars fjallað um niðurstöður nýrrar rannsóknar þar sem fram kemur að um 110 þúsund manns hafi orðið fyrir áhrifum af geislavirkninni. Til samanburðar eru íbúar Frönsku Pólynesíu í dag um 290 þúsund talsins.

Þá kemur einnig fram að konur virðist vera móttækilegri fyrir afleiðingum geislunnarinnar.

Allnokkrir íbúar eyríkisins hafa fengið skaðabætur frá franska ríkinu vegna málsins þó að fjölmörg mál séu enn í ferli. Emmanuel Macron, forseti Frakklands, baðst afsökunnar á tilraununum árið 2021 og viðurkenndi að þær hefðu ekki uppfyllt öryggiskröfur.

Íbúar Frönsku Pólynesíu vilja hins vegar að Frakkar gangi lengra og viðurkenni alfarið þann stóra hóp fólks sem varð fyrir áhrifum af tilraununum, biðjist afsökunnar með formlegri hætti og greiði skaðabætur við hæfi.