fbpx
Sunnudagur 21.júlí 2024
Fréttir

Mikil reiði á Ítalíu útaf hræðilegum dauða farandverkamanns – „Þetta er ómannleg villimennska“

Ritstjórn DV
Laugardaginn 22. júní 2024 10:00

Staða og réttindi farandverkamanna eru víða í ólestri Mynd/Getty

Ekki missa af Helstu tíðindum dagsins í pósthólfið þitt

Lesa nánar

Boðað hefur verið til mótmæla á Ítalíu eftir að indverskur farandverkamaður lést í vikunni. Hinn 31 árs gamli Satnam Singh starfaði sem verkamaður á bóndabýli skammt frá Róm en í byrjun vikunnar lenti hann í hræðilegu slysi þegar hendi hans festist í plastpökkunarvél á bænum. Afleiðingarnar urðu þær að Singh missti hægri handlegg sinn auk þess að brjóta fjölmörg bein í líkama sínum. Í stað þess að koma honum undir læknishendur var Singh keyrt að gististað sínum og síðan skilinn eftir úti á vegi.

Þegar hann loks var fluttur á spítala var orðið of seint að bjarga lífi hans og lést hann síðastliðinn miðvikudag. Eigandi bóndabýlisins Antonello Lovato á nú yfir höfði sér ákæru fyrir að manndráp og að hafa ekki aðstoðað stórslasaðan mann.

Ódæðið hefur vakið mikla reiði á Ítalíu og varpað kastljósinu á bágborna stöðu farandverkamanna í landinu en réttindi þeirra eru oft fótum troðin. Hefur meðal annars komið í ljós að Singh var ekki með atvinnuleyfi í landinu.

Giorgia Meloni, forsætisráðherra Ítalíu. Mynd/Getty

Forsætisráðherra Ítalíu, Giorgia Meloni, er meðal þeirra sem hafa fordæmt gjörðir Lovato.

„Þetta er ómannleg villimennska sem ítalska þjóðin líður ekki og ég vona að þeim sem bera ábyrgð verði refsað grimmilega,“ sagði Meloni í yfirlýsingu.

Faðir Lovato sagði son sinn bíða eftir því að geta tekið til varna og að öll kurl væru ekki komin til grafar varðandi það hvernig Singh lét lífið.

Verkalýðsfélög ytra hafa boðað til mótmæla á næstu dögum og liður í þeim verða tveggja klukkustunda verkfall. Hefur verið kallað eftir því að tækifærið verði nýtt til að gera nauðsynlegar úrbætur á stöðu og réttindum verkamanna í landinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“

Ása og börnin boðuðu til blaðamannafundar – „Enginn vill trúa því að fjölskyldumeðlimur, pabbi þeirra, bróðir eða eiginmaður geti framið slík myrkraverk“
Fréttir
Í gær

Helgi vísar ásökunum um rasisma á bug og sakar Odd um atvinnuróg og dylgjur – „Þetta er lygi“

Helgi vísar ásökunum um rasisma á bug og sakar Odd um atvinnuróg og dylgjur – „Þetta er lygi“
Fréttir
Fyrir 2 dögum

Bandarískur blaðamaður dæmdur í 16 ára fangelsi fyrir njósnir í Rússlandi

Bandarískur blaðamaður dæmdur í 16 ára fangelsi fyrir njósnir í Rússlandi
Fréttir
Fyrir 2 dögum

Kraftlyftingamaðurinn Júlían orðinn löggiltur fasteignasali

Kraftlyftingamaðurinn Júlían orðinn löggiltur fasteignasali
Fréttir
Fyrir 2 dögum

Kolbrúnu brá illa í morgun – „Þessu fólki er gert að búa á hreinum sorphaug“

Kolbrúnu brá illa í morgun – „Þessu fólki er gert að búa á hreinum sorphaug“
Fréttir
Fyrir 2 dögum

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu

Nuddarinn Guðbjartur sýknaður að beiðni saksóknara – Konan hafi reynt við hann og kært svo til lögreglu eftir að hann hafnaði henni og sleit meðferðarsambandinu
Fréttir
Fyrir 3 dögum

Yana og fjölskylda hennar urðu fyrir hrottalegri árás á Krít – „Ástand hans er alvarlegt og við biðjum öll fyrir honum“

Yana og fjölskylda hennar urðu fyrir hrottalegri árás á Krít – „Ástand hans er alvarlegt og við biðjum öll fyrir honum“
Fréttir
Fyrir 3 dögum

21 árs maður var misnotaður frá 3 ára aldri og byrjaði í neyslu 11 ára – ,,Ég mun örugglega ekki lifa mikið lengur“

21 árs maður var misnotaður frá 3 ára aldri og byrjaði í neyslu 11 ára – ,,Ég mun örugglega ekki lifa mikið lengur“