Héraðssaksóknari hefur ákært tvo menn fyrir líkamsárás á einn.
Árásin var framin þann 2. júlí árið 2023, utandyra í Reykjavík. Annar maðurinn er ákærður fyrir að hafa slegið brotaþola með glerflösku í höfuðið með þeim afleiðingum að hann hlaut áverka á vinstra gagnauga og höku.
Hinn maðurinn er sakaður um að hafa sparkað í og slegið í andlit brotaþolans með þeim afleiðningum að hann hlaut sprungna vör og tapaði framtönn í efri gómi.
Héraðssaksóknari krefst þess að mennirnir verði dæmdir til refsingar og greiðslu alls sakarkostnaðar.
Ekki er minnst á miskabótakröfu í ákærunni.
Málið verður þingfest fyrir Héraðsdómi Reykjavíkur þann 10. desember næstkomandi.
