„Þetta hefur gert mér kleift að sinna skrifum samhliða því að ala upp tvö lítil börn og borga af húsnæðisláni. Fyrir það er ég mjög þakklátur. Í gær fékk ég hins vegar höfnun frá sjóðnum,“ segir Dagur í færslunni og bætir við að honum hafi fundist umsóknin vönduð og sterk og henni hafi fylgt ítarleg greinargerð og tvö fylgiskjöl, sýnishorn upp á samtals 68 blaðsíður.
„Síðasta skáldsaga mín fékk tilnefningu til Íslensku bókmenntaverðlaunanna, ég hef alltaf staðið skil á mínu. En hér verð ég að játa mig sigraðan: Ég skil ekki hvernig þetta kerfi virkar, hvernig það er hugsað. Blóm og kransar afþakkaðir en þeim sem vilja minnast skáldsins er bent á skáldsöguna Sporðdreka, sem var tíunda bók höfundar,“ segir Dagur.
Dagur hefur í gegnum tíðina fengið mikið lof fyrir verk sín, bæði frá lesendum og gagnrýnendum, en sem fyrr segir fékk hann tilnefningu til Íslensku bókmenntaverðlaunanna. Var það fyrir bókina Ljósagangur sem kom út árið 2022.
