Á myndbandinu, sem birtist á vef Mail Online og má sjá hér að neðan, sést forsetinn á ferð með eiginkonu sinni, Jill Biden, og hefur það vakið athygli margra netverja hversu óstöðugur hann var á fótum.
Þá hefur Jill verið gagnrýnd fyrir að halda ekki í eiginmann sinn þar sem hann var augljóslega nálægt því að detta nokkrum sinnum.
„Þetta er ógeðslegt. Jill virðist vera alveg sama þó að maðurinn hennar sé við það að borða sand á hverri stundu,“ sagði einn. Annar bætti við: „Ég myndi skammast mín ef þetta væri faðir minn eða eiginmaður og ég myndi ekki koma honum til hjálpar.“
Biden er nú að fara í gegnum sínar síðustu vikur í embætti en hann hugðist bjóða sig fram til forseta á nýjan leik. Efasemdir fóru að heyrast um hæfi hans til embættisstarfa vegna aldurs og heilsufars, ekki síst eftir afleita frammistöðu í kappræðum gegn Donald Trump í sumar.
