fbpx
Föstudagur 13.desember 2024
Fréttir

Hörð ályktun um útlendingamál samþykkt – Leggja til tímabundið eftirlit á íslenskum landamærum

Ritstjórn DV
Þriðjudaginn 19. mars 2024 19:30

Ekki missa af Helstu tíðindum dagsins í pósthólfið þitt

Lesa nánar

Málfundafélagið Frelsi og fullveldi hélt fund á veitingastaðnumum Catalinu við Hamraborg í gær, mánudag. Þar var samþykkt ályktun um útlendingamál.

Málshefjendur á fundinum voru þeir Birgir Þórarinsson alþingismaður og Stefán Einar Stefánsson blaðamaður.

Í ályktun sem samþykkt var einróma á fundinum er hvatt til þess að tekið verði upp tímabundið eftirlit á landamærum. Tryggt verði að tekið verði á málum afbrotamanna sem hlotið hafa alþjóðlega vernd hér á landi. Félagið vill að gerð sé krafa um aðlögun hælisleitenda að samfélaginu og hafnað er kröfum um inngildingu, sem felur í sér að íslenskt samfélag lagi sig að siðum og háttum aðkomufólks. Í ályktuninni segir að hælisleitendakerfið hafi leitt af sér óviðunandi álag á innviði þjóðarinnar og útgjöld ríkissjóðs til málaflokksins hafi farið úr böndunum. Ályktunin er eftirfarandi:

„Málfundafélagið Frelsi og fullveldi leggur áherslu á  mikilvægi þess að standa vörð um íslensk gildi, íslenska menningu og sögu og íslenska tungu. Allir þessir þættir móta sjálfsmynd þjóðarinnar og vitund um sérstöðu þess að eiga rætur í landinu og íslensku þjóðlífi og hinni kristnu menningu sem hér hefur staðið um aldir. Íslensk gildi þegar kemur að stjórnskipan og þjóðfélagsgerð fela í sér órofa samstöðu um sjálfstæði og fullveldi, lýðræði, málfrelsi og önnur mannréttindi sem hornsteina samfélagsins.

Málfundafélagið ber heitið Frelsi og fullveldi til að undirstrika frelsi einstaklingsins og fullveldi þjóðarinnar.

Þessir þættir krefjast stöðugrar varðstöðu, ekki síst á sviptingasömum tímum örra þjóðfélagsbreytinga eins og einkenna samtímann. Mjög hefur reynt á landamæri Íslands á umliðnum árum. Málfundafélagið hvetur til þess að yfirstjórn þeirra mála verði efld með því að framvegis verði þau á hendi ríkislögreglustjóra en ekki héraðslögreglu eins og nú er raunin.

Fyrir liggur að skipan mála varðandi hælisleitendakerfið hefur leitt af sér óviðunandi álag á innviði þjóðarinnar um leið og útgjöld ríkissjóðs til málaflokksins hafa farið úr böndum með hátt í fertugföldun á liðnum áratug. Málfundafélagið hvetur til þess að ráðherra taki upp tíma­bundið eft­ir­lit á ís­lensk­um landa­mær­um vegna al­var­legr­ar ógn­ar við alls­herj­ar­reglu og þjóðarör­yggi eins og nú er tvímælalaust fyrir hendi. Tryggt verði að taka megi með viðeigandi hætti á málum afbrotamanna sem hlotið hafa alþjóðlega vernd hér á landi. Umsóknir um fjölskyldusameiningu verða því aðeins teknar fyrir að þær eigi við nánustu fjölskyldu, að umsækjandi hafi haft búsetu í landinu í a.m.k. tvö ár, tali íslensku, sé í vinnu, geti sýnt fram á getu til að standa undir framfærslu og hafi yfir húsnæði að ráða. DNA-prófum verði beitt til að sannreyna fjölskyldutengsl. Ekki kemur til greina að ríkið veiti hælisleitendum eða fjölskyldum þeirra meiri aðstoð en býðst almennum íslenskum borgurum.

Málfundafélagið varar við möguleikum erlendra aðila til að hlutast til um trúariðkun á Íslandi, ekki síst ríkja sem hvorki virða né ástunda trúfrelsi. Brýnt er að leggja bann við að taka við fjárframlögum frá slíkum erlendum aðilum eins og Danir töldu nauðsynlegt að gera með lögum sem tóku gildi þar í landi árið 2021. Bann er lagt við fjárframlögum til stjórnmálastarfsemi og sama á að gilda gagnvart starfsemi af trúarlegum toga. 

Málfundafélagið áréttar nauðsyn þess að krafa sé gerð um aðlögun hælisleitenda og að þeir lýsi stuðningi við vestræn gildi, lýðræði og mannréttindi, þar á meðal jafnrétti kynjanna. Hafnað er kröfum um að Íslendingar skuli laga sig að siðum og háttum aðkomufólks í krafti svonefndrar inngildingar.

Opinn fundur málfundafélagsins haldinn í Kópavogi 18. mars 2024 hvetur til þess að stjórnvöld grípi til aðgerða eins og að ofan eru raktar til að standa með raunhæfum hætti vörð um íslensk gildi, siði, menningu og tungu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Kiðjabergs- og Naustahverfismálin vekja furðu því meintir morðingjarnir eru ekki taldir sekir um manndráp – Jón Steinar útskýrir hvers vegna

Kiðjabergs- og Naustahverfismálin vekja furðu því meintir morðingjarnir eru ekki taldir sekir um manndráp – Jón Steinar útskýrir hvers vegna
Fréttir
Fyrir 22 klukkutímum

Íslensk vötn ekki eins hrein og við hreykjum okkur af – Hættuleg eilífðarefni yfir mörkum í öllum sýnum

Íslensk vötn ekki eins hrein og við hreykjum okkur af – Hættuleg eilífðarefni yfir mörkum í öllum sýnum
Fréttir
Í gær

Nafntogaðir einstaklingar rökræða neikvæðan dóm um tónleika Bríetar – „Það getur ekki alltaf allt verið gott“

Nafntogaðir einstaklingar rökræða neikvæðan dóm um tónleika Bríetar – „Það getur ekki alltaf allt verið gott“
Fréttir
Í gær

Ef málið væri ekki svona alvarlegt ættu viðbrögð SVEIT heima í áramótaskaupinu

Ef málið væri ekki svona alvarlegt ættu viðbrögð SVEIT heima í áramótaskaupinu
Fréttir
Í gær

Verslunarstjóri ákærður fyrir nauðgun á fötluðum undirmanni sínum og tveimur andlega fötluðum ungmennum

Verslunarstjóri ákærður fyrir nauðgun á fötluðum undirmanni sínum og tveimur andlega fötluðum ungmennum
Fréttir
Í gær

Íslenski morðinginn hlaut 24 ára fangelsisdóm í barnaníðsmáli

Íslenski morðinginn hlaut 24 ára fangelsisdóm í barnaníðsmáli
Fréttir
Í gær

Hinn grunaði morðingi Mangione getur ekki stundað kynlíf en er orðinn kyntákn – „Svooooooo heitur“

Hinn grunaði morðingi Mangione getur ekki stundað kynlíf en er orðinn kyntákn – „Svooooooo heitur“
Fréttir
Í gær

Fimmtungur veitingastaða sem Efling sendi bréf hafa sagt sig úr SVEIT

Fimmtungur veitingastaða sem Efling sendi bréf hafa sagt sig úr SVEIT