Lögreglan á Vesturlandi hefur staðfest að maðurinn sem fannst látinn í fjörunni við Straumeyri rétt við Borgarnes þann 13. apríl var Modestas Antanavicius. Modestas hafði verið saknað síðan í byrjun árs en umfangsmikil leit hófst í kjölfarið.
Sjá einnig: Lík fannst í fjöru skammt frá Borgarnesi
Ekki er talið að andlát Modestas hafi borið að með saknæmum hætti.
Lögreglan á Vesturlandi naut aðstoðar kennslanefndar ríkislögreglustjóra, tæknideildar lögreglustjórans á höfuðborgarsvæðinu og réttarmeinadeildar við rannsókn málsins.