Írska ríkisútvarpið (RTÉ) segir frá því í dag að hinn 32 ára gamli Daniel Sebastian Allen hafi hlotið þrefaldan lífstíðardóm fyrir að hafa myrt heila fjölskyldu með því í að kveikja í heimili hennar.
Eldurinn kom upp í febrúar 2018 en fjölskyldan bjó í þorpinu Derrylin sem er sunnarlega á Norður-Írlandi.
Allen játaði fyrir dómi að hafa myrt þrjá fjölskyldumeðlimi að yfirlögðu ráði. Hina 19 ára gömlu Sabrina Gossett, bróður hennar Roman Gossett sem var 16 ára og dóttur Sabrina, Morgan Quinn sem var 15 mánaða.
Hann játaði sig einnig sekan um manndráp á móður Sabrina og Roman, Denise Gossett, sem var 45 ára gömul. Þau tvö eru sögð hafa gert samning um að fremja sjálfsvíg í sameiningu.
Lífstíðardómana hlaut Allen fyrir að myrða Sabrina, Roman og Morgan.
Hann mun mæta aftur fyrir rétt 15. september næstkomandi og þá verður úrskurðað um þann lágmarks dóm sem hann á að hljóta.