Norðurlandamót í bridds hefst á morgun, þriðjudaginn 30. 05, í Svíþjóð. Ísland sendir út lið til þátttöku í opnum flokki og kvennaflokki.
Kvennaliðið skipa Anna Ívarsdóttir fyrirliði, Inda Hrönn Björnsdóttir, Anna Heiða Baldursdóttir, Arngunnur Jónsdóttir og Alda Guðnadóttir.
Landsliðið í opnum flokki skipa Jón Baldursson þjálfari, Sigurbjörn Haraldsson, Birkir Jón Jónsson, Matthías Þorvaldsson, Bjarni H. Einarsson og Aðalsteinn Jörgensen.
Bridgesamband Íslands mun senda fréttir og upplýsa um framvindu, stöðu og úrslit leikja á heimasíðu Bridgesambandsins, bsi.is og á facebooksíðu Bridgesambandsins. Einnig verða senda út fréttatilkynningar til fjölmiðla.
Ísland hefur verið í hópi stórvelda í heiminum í bridds og vonir standa til að ný gullöld sé í uppsiglingu. Jón Baldursson fyrirliði segist gera sér væntingar um góðan árangur á mótinu. Hann segir lið sitt stefna á sigur.
