Pink Floyd-goðsögnin Roger Waters sætir nú lögreglurannsókn í Þýskalandi eftir að hafa troðið upp í nastistabúningi í Berlín um liðna helgi.
Waters klæddist svörtum leðurjakka með rauðum armböndum sem virtist innblásinn af SS-sveitum Þýskalands á tímum seinni heimstyrjaldarinnar.
Þá þóttist hann skjóta á áhorfendur með gervibyssu en yfir hópnum sveimaði risastórt uppblásið svín sem meðal annars var merkt Davíðsstjörnunni.
Þá var nöfnum fólks sem dó í seinni heimsstyrjöldinni varpað á skjá á sviðinu, meðal annars nafn Önnu Frank.
Málið hefur vakið talsverða hneykslan í Þýskalandi og nú hefur lögreglurannsókn verið sett af stað.
Waters hefur áður verið sakaður um að vera andstæðingur gyðinga, meðal annars af Polly Samson, eiginkonu David Gilmour hljómsveitarfélaga hans, sem lét þau orð falla í viðtali í byrjun árs.
Waters hefur neitað því og hóf meðal annars tónleikana í Berlín á að vísa því alfarið á bug.