Maðurinn sem lést í slysi við Arnarstapa á Snæfellsnesi á fimmtudag, hét Jón Tómas Erlendsson og var sjötugur að aldri. Hann lætur eftir sig eiginkonu og uppkomin börn.
Jón Tómas starfaði sem rútubílstjóri og var á ferðalagi með hópi erlendra ferðamanna þegar slysið átti sér stað. Lögreglan á Vesturlandi greindi frá málinu á föstudag en embættið fer nú með rannsókn á tildrögum slyssins.