Deripaska, sem stofnaði Rusal, sem er stærsta álfyrirtækið í Evrópu, segir að Vesturlönd séu byrjuð að keyra Rússland niður. Þar á hann við refsiaðgerðir Vesturlanda gegn Rússlandi en þær hafa meðal annars hrætt fjárfesta á brott frá landinu.
Bloomberg skýrir frá þessu og segir að Deripaska hvetji því „vinveitt“ lönd til að aðstoða Rússa við að losa rússneskan efnahag úr þeim heljargreipum sem hann er í vegna refsiaðgerða Vesturlanda.
Forbes segir að talið sé að Deripaska eigi sem svarar til um 4.000 milljarða íslenskra króna.
Aðspurður sagði Deripaska að lausnin á vanda Rússa felist í að þróa þurfi markaðshagkerfi því erlendir fjárfestar horfi á hvernig fjárfestar þéna peninga í Rússlandi og hvernig markaðsaðstæðurnar séu.
