Myndskeið Ólafs Kristjánssonar í síðustu viku vatt heldur betur upp á sitt og héldu margir að um alvöru tilkynningu væri að ræða frá Landsbankanumi. Ólafur tók upp myndskeið og birti á samfélagsmiðlum, þar sem hann fer í Landsbankann í Grafarholfi og sýnir skilaboð á skjá hraðbankans, þar sem stendur að Edda Falak hafi aldrei unnið í þessum banka.
Skilaboðin litu nokkuð raunverulega út, en í viðtali á Bítinu á Bylgjunni í morgun segir Ólafur að einungis hafi verið um grín að ræða. Segist Ólafur hafa útbúið myndina í forriti en gert þau mistök að gera myndina of raunverulega.
„Þetta var sunnudagsgrín hjá mér. Ég ákvað bara að sprella svolítið, Edda Falak er búin að vera mikið í fréttum undanfarið og ég ákvað að gera bara smá grín um það,“ sagði Ólafur og sagði um falsfrétt að ræða sem hafi verið gerð í góðu gríni. Sagðist hann hafa gleymt kortinu sínu heima og verið svolítið pirraður.
Myndskeið birti hann á Facebook-síðu sinni og sagði hann að mörgum hefði fundist þetta fyndið, en svo hefði sumum ekkert fundist þetta fyndið en það væri líka fyndið.
Landsbankinn sendi frá sér tilkynningu í kjölfarið þar sem sagði að myndskeiðið væri falsað og að slíkur texti hafi aldrei birst í hraðbanka Landsbankans. Segir Ólafur bankann hafa brugðist hárrétt við.
Landsbankinn bregst við fölsuðu myndbandi – Harma að vegið sé að Eddu með þessum ósmekklega hætti
Fréttin sagði fyrst frá myndskeiðinu og sagði Ólafur að hefði mátt hafa samband við hann áður en frétt var skrifuð um myndskeiðið. „Það hefði ekki drepið þá að hafa samband og spyrja mig aðeins út í þetta.“