Þann 13. mars síðastliðinn var kveðinn upp dómur í skattsvikamáli sem höfðað var á hendur þremur manneskjum sem tengjast fyrirtækinu M S Tækjaleigu, sem varð gjaldþrota og er nú afskráð.

Um var að ræða vanskil á virðisaukaskatti og staðgreiðslu opinberra gjalda fyrir rekstrarárin 2017, 2018 og 2019. Nema vanskilin samtals um 34 milljónum króna. Þau sem voru ákærð voru framkvæmdastjóri og stjórnarformaður fyrirtækisins fram á árið 2019, stjórnarmanni og daglegurm stjórnanda fyrirtækisins sem jafnframt var skráður framkvæmdastjóri síðustu mánuðina í rekstri fyrirtækisins, og kona sem var daglegur stjórnandi í fyrirtækinu.

Tvær síðarnefndu manneskjurnar eru hjón. Þau neituðu sök á þeim forsendum að þau hefðu ekki komið að ákvörðunum er vörðuðu daglegan rekstur fyrirtækisins heldur hefðu þær allar verið á ábyrgð fyrstnefnda sakborningsins.

Dómarinn féllst á að ekki væri fullsannað að konan hefði komið að ákvörðunum er vörðuðu daglegan rekstur fyrirtækisins. Var hún sýknuð. Karlarnir tveir voru hins vegar sakfelldir.

Sá sem lengst af var framkvæmdastjóri og stjórnarformaður var dæmgur í sex mánaða skilorðsbundið fangelsi og til greiðslu sektar í ríkissjóð að upphæð 31 milljón króna.

Maðurinn sem var framkvæmdastjóri síðustu mánuðina sem fyrirtækið starfaði hlaut einnig sex mánaða skilorðsbundið fangelsi og til greiðslu sektar upp á 29,7 milljónir.

Konan var hins vegar sýknuð, sem fyrr segir, en lögmaður hennar var Lárus Sigurður Lárusson. Konan var í 25% starfi hjá félaginu og færði bókhald. Hún annaðist skil á staðgreiðsluskilagreinum og virðisaukaskattskýrslum í gegnum bókhaldskerfi. Einnig sat hún í varastjórn félagsins. En eins og fyrr segir taldi dómari ekki sannað að hún hefði borið ábyrgð á daglegum rekstri og var hún því sýknuð.