Að minnsta kosti ekki Pútín sjálfur, eða kannski öllu heldur: Ef hann gerði það, þá er það ekkert sem hann hefur sagt opinberlega.
Margir orðrómar eru á sveimi um hvar rauðu línur Pútíns, varðandi stríðið í Úkraínu, eru. En málið er að þessar „rauðu línur“ eru ekki frá Pútín komnar. Þetta er eitthvað sem Vesturlönd ræða við sig sjálf.
Þetta hugtak nær yfir hversu langt Vesturlönd geti gengið í að styðja Úkraínu með vopnum áður en Pútín stigmagnar stríðið en þó fylgir ekki sögunni hvað sú stigmögnun myndi fela í sér.
Í síðustu viku tilkynntu Pólland og Slóvakía að þau muni gefa Úkraínumönnum sovéskar MiG-29 orustuþotur. Með þessari ákvörðun reynir enn frekar á rauðu línurnar sem Vesturlönd hafa sjálf dregið upp varðandi viðbrögð Pútíns.
Dæmi af þessu tagi hafa sést áður, til dæmis þegar rætt var um að senda Úkraínu skriðdreka og flugskeyti. Besta dæmið er kannski um Þjóðverja, sem fóru mjög varlega í upphafi, sem sendu Úkraínumönnum 5.000 hjálma í upphafi. Þeir afhenda Úkraínu fljótlega fullkomna Lepoard skriðdreka. Svona hefur teygst á rauðu línunum að mati Vesturlanda sem þora að ganga sífellt lengra í stuðningi sínum.