Zakharova hefur alltaf verið Vladímir Pútín trú sem og hinni opinberu sögu Pútíns og rússneskra stjórnvalda um stríðið í Úkraínu. Af þessum sökum hafa ummæli hennar vakið mikla athygli og þau fóru ekki framhjá bandarísku hugveitunni The Institute for the Study of War (ISW)
Segir ISW að Zakharova hafi látið þessi ummæli falla þegar rússneskir blaðamenn, háskólafólk og stuðningsfólk „Novorossiya“ (Nýja-Rússland) fundaði. „Novorossiya“ gengur út á að Rússar leggi undir sig nágrannaríki og myndi stærra ríki.
Auk þess að segja frá valdabaráttu í Kreml sagði Zakharova að Kremlverjar hafi misst stjórn á fréttaflutningi í Rússlandi og að Pútín virðist ekki geta kippt því í lag.
ISW segir að ummæli hennar séu mjög athyglisverð og styðji margar af greiningum ISW um ástandið í Kreml. ISW segir einnig að óljóst sé af hverju Zakharova, sem sé reynd og háttsettur embættismaður, hafi viðurkennt þessi vandamál opinberlega.