fbpx
Laugardagur 04.febrúar 2023
Fréttir

Húsbílaleigjendur sem brotið er á geta kært

Ágúst Borgþór Sverrisson
Mánudaginn 16. janúar 2023 16:00

Jóhannes Þór Skúlason

Ekki missa af Helstu tíðindum dagsins í pósthólfið þitt

Lesa nánar

Jóhannes Þór Skúlason, framkvæmdastjóri Samtaka ferðaþjónustunnar (SAF), segir að málefni húsbílaleigufyrirtækja sem sökuð er um slæma þjónustu hafi ekki komið inn á borð samtakanna.

DV greindi frá raunum erlendra húsbílaleigjenda sem segja farir sínar ekki sléttar af viðskiptum við fyrirtækin Camper Iceland og Wild Campers. Einn viðskiptavinur greinir frá því að hann hafi fengið í hendurnar húsbíl sem ekinn var yfir 200 þúsun km, gashitakynding virkaði ekki, ísskápur var í ólagi, sturta og salerni virkuðu ekki og á gaseldavél í bílnum var aðeins önnur hellan af tveimur í lagi. Allt var þetta búnaður sem viðskiptavinurinn hafði greitt fyrir afnot af samkvæmt lýsingu. Í frétt DV segir einnig frá raunum danska ferðalangsins Jason Lorje:

„Bíllinn reyndist í mun verra ástandi heldur en auglýsing og bókunarsíða höfðu gefið til kynna. Voru klæði í sætum rifin, vatnshitari var í ólagi, ísskápinn var ekki hægt að nota þar sem Jason hafði ekki verið bent á leiðbeiningar fyrir hann, og auk þess hafi ísskápurinn verið með of litlum hillum og því svo gott sem ónothæfur.

Í stiga sem var leiddi upp í rúm í húsbílnum hafi vantað skrúfu sem varð til þess að Jason féll þegar hann fór niður stigann að nóttu.

Eins hafi Jason pantað fjögur sett af sængum en aðeins fengið þrjár sem varð til þess að fyrsta nóttin í bílnum var mjög „óþægileg“.

„Ein sængin sem við fengum var enn með óhreinum rúmfötum frá fyrri leigjanda. Okkur tókst að sækja aukasæng frá hótelinu sem fyrirtæki ykkar á í Skógum og þess vegna höfðum við fjórar sængur þessa þrjár nætur sem voru eftir,“ segir Jason í tölvupósti sínum til Wildcampers.is.“

Fyrirtækin ekki meðlimir í SAF

„Nei ég hef ekki heyrt af þessu fyrr. Ekkert sem hefur komið hingað inn á borð. Reyndar er hvorugt þessara fyrirtækja sem nefnd eru í fréttinni aðilar að SAF,“ segir Jóhannes í samtali við DV.

Hann bendir á að kæruleið fyrir viðskiptavini ferðaþjónustufyrirtækja sem telja á sér brotið. Kærunefnd vöru- og þjónustukaupa er sjálfstæð og óháð opinber úrskurðarnefnd sem úrskurðar í ágreiningsmálum milli neytenda og seljenda um flestar gerðir samninga um kaup á vöru og þjónustu. Markmið nefndarinnar er að tryggja neytendum aðgang að skilvirkri og faglegri málsmeðferð við úrlausn ágreinings utan dómstóla. Nefndin starfar samkvæmt lögum um úrskurðaraðila á sviði neytendamála nr. 81/2019 sem tóku gildi 1. janúar 2020. Nánar er kveðið á um störf nefndarinnar og málsmeðferð í reglugerð nr. 1177/2019 um kærunefnd vöru- og þjónustukaupa sem einnig tók gildi 1. janúar 2020.

Eflaust er erlendum ferðamönnum ekki kunnugt um störf kærunefndarinnar en mikilvægt er fyrir Íslendinga sem vilja greiða götu slíkra aðila að hafa þessa leið í huga.

Jóhannes bendir á að SAF leggi áherslu á fagmennsku í ferðaþjónustu: „Eitt af markmiðum sameiginlegrar stefnumótunar SAF og stjórnvalda er að ferðamenn eigi hér einstaka og jákvæða upplifun í heimsókn sinni.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir að Rússar ætli að hefja stórsókn 24. febrúar

Segir að Rússar ætli að hefja stórsókn 24. febrúar
Fréttir
Í gær

Reyndi að stinga lögregluna af á hlaupum

Reyndi að stinga lögregluna af á hlaupum
Fréttir
Fyrir 2 dögum

ESB-ríkin ætla að þjálfa 15.000 úkraínska hermenn til viðbótar

ESB-ríkin ætla að þjálfa 15.000 úkraínska hermenn til viðbótar
Fréttir
Fyrir 2 dögum

Lögreglan skaut fótalausan mann til bana – Myndband

Lögreglan skaut fótalausan mann til bana – Myndband
Fréttir
Fyrir 3 dögum

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð
Fréttir
Fyrir 3 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna