fbpx
Laugardagur 04.febrúar 2023
Fréttir

Varkárni Guðmundar – „Jafnvel þó að Ísland væri að keppa við versta lið í heimi myndi hann segja leikmönnum að passa sig“

Ritstjórn DV
Fimmtudaginn 12. janúar 2023 15:11

Ekki missa af Helstu tíðindum dagsins í pósthólfið þitt

Lesa nánar

Einar Örn Jónsson, íþróttafréttamaður RÚV og fyrrverandi landsliðsmaður í handbolta, segir í viðtali við sænska miðilinn Handbollskanalen að Ísland tefli nú fram hæfileikaríkasta liði sínu fyrr og síðar. Segir hann auðelt að skilja hvers vegna svona mikil umræða sé um liðið að þessu sinni og eftirvænting fyrir mótinu í hæstu hæðum meðal þjóðarinnar.

„Liðið sýndi á EM á síðasta ári hvers megnugt það er þrátt fyrir ótrúleg vandamál viðvíkjandi covid. Núna er þetta fremur unga lið orðið árinu eldra, ári ríkara af reynslu og einu ári betra,“ segir Einar Örn við sænska handboltamiðilinn.

Síðan segir:

„En ekki eru allir ánægðir með að rætt sé um Ísland sem eitt af liðunum sem eiga möguleika á að komast í undanúrslit. Landsliðsþjálfarinn Guðmundur Guðmundsson hefur gagnrýnt íslenska fjölmiðla fyrir að, að hans mati, setja of mikla pressu á liðið.“

Einar Örn hefur þetta að segja um málið:

„Hann hefur alltaf verið svona. Hann reynir að minnka væntingarnar í kringum íslenska liðið, halda leikmönnum á jörðinni og sjá til þess að þeir trúi ekki fagurgalanum. Hann talar líka alltaf upp andstæðinginn. Jafnvel þó að Ísland væri að keppa við versta lið í heimi myndi hann segja leikmönnum að passa sig. Þannig er hann bara og þetta er það sem búast mátti við.“

Ísland hefur leik á HM í kvöld gegn Portúgal kl. 19:30. Leikurinn er að sjálfsögðu í beinni útsendingu á RÚV en DV mun greina frá viðbrögðum þjóðarinnar við frammistöðu strákanna í hálfleik og eftir leik.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Frétta­vaktin: Orka frá vind­­myllum ó­­­traust og notkun megrunar­lyfja tí­faldast

Frétta­vaktin: Orka frá vind­­myllum ó­­­traust og notkun megrunar­lyfja tí­faldast
Fréttir
Fyrir 2 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna
Fréttir
Fyrir 2 dögum

TF-SIF á hilluna vegna hagræðingar

TF-SIF á hilluna vegna hagræðingar