fbpx
Laugardagur 04.febrúar 2023
Fréttir

Guð­mundur eftir sigur Ís­lands: „Þetta er rosa­lega erfitt lið að vinna“

Ritstjórn DV
Fimmtudaginn 12. janúar 2023 22:00

Ekki missa af Helstu tíðindum dagsins í pósthólfið þitt

Lesa nánar

Ís­lenska karla­lands­liðið í hand­bolta vann í kvöld afar sterkan sigur á Portúgal í fyrsta leik liðsins á HM. Um spennu­þrunginn leik var að ræða þar sem Strákarnir okkar sýndu mátt sinn og megin á loka­mínútunum og unnu að lokum fjögurra marka sigur 30-26.

Guð­mundur Guð­munds­son, lands­liðs­þjálfari Ís­lands í hand­bolta var að vonum á­nægður eftir fjögurra marka sigur Ís­lands á Portúgal í fyrstu um­ferð riðla­keppni HM í kvöld.Í við­tali við RÚV eftir leik sagði Guð­mundur að bar­áttan hjá Strákunum okkar hafi verið til fyrir­myndar í leiknum.

„Við byrjuðum mjög vel og vörnin var frá­bær nær allan tímann. Það var al­gjört lykil­at­riði og þá var Björg­vin mjög góður í markinu, Viktor Gísli kom síðan smá inn og við náðum að hvíla hann eftir að þeir höfðu skotið tvisvar sinnum í höfuðið á honum.“

Tækni­f­eilar léku leik­menn Ís­lands grátt í fyrri hálf­leik.

„Sóknar­leikurinn byrjar mjög vel en svo förum við fram úr sjálfum okkur. Í fyrri hálf­leik gerum við níu tækni­f­eila, það voru mörkin sem þeir voru að fá frá okkur, þeir skora raun­veru­lega bara sex mörk úr upp­stiltum sóknum en voru að nýta sér tækni­mis­tök okkar. Við ræddum þetta í hálf­leik og náðum að fækka feilunum niður í þrjú stykki sem þýðir að þeir fá ekki jafn auð­veld mörk í síðari hálf­leik.“

Hann var á­nægður með bar­áttuna hjá sínum mönnum.

„Bar­áttan var til fyrir­myndar, þetta er ekkert auð­velt verk­efni ég er búinn að benda á það. Þetta er rosa­lega erfitt lið að vinna, þetta er frá­bært lið. Við nálguðumst þetta verk­efni af gríðar­legri fag­mennsku, vorum ein­beittir og þurftum á öllu okkar að halda.“

Ís­land mætir Ung­verja­landi á laugar­daginn kemur og segir Guð­mundur að um allt öðru­vísi and­stæðing sé að ræða þar.

„Það er gríðar­lega mikils virði að byrja þetta svona, núna er næsta verk­efni handan við hornið og við þurfum að ná okkur niður. Fara yfir það sem var gott í kvöld og annað sem við eigum inni.

And­stæðingur okkar í næsta leik er allt öðru­vísi og þyngra lið með stærri skyttur. Það er öðru­vísi hand­bolti sem þeir spila og við þurfum að undir­búa okkur af kost­gæfni fyrir það.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir að Rússar ætli að hefja stórsókn 24. febrúar

Segir að Rússar ætli að hefja stórsókn 24. febrúar
Fréttir
Í gær

Reyndi að stinga lögregluna af á hlaupum

Reyndi að stinga lögregluna af á hlaupum
Fréttir
Fyrir 2 dögum

ESB-ríkin ætla að þjálfa 15.000 úkraínska hermenn til viðbótar

ESB-ríkin ætla að þjálfa 15.000 úkraínska hermenn til viðbótar
Fréttir
Fyrir 2 dögum

Lögreglan skaut fótalausan mann til bana – Myndband

Lögreglan skaut fótalausan mann til bana – Myndband
Fréttir
Fyrir 2 dögum

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð

Fréttavaktin: Afskrifuð af skólakerfinu en er nú nemi við Háskólann í Flórída, uppbygging í Kerlingarfjöllum og Vetrarhátíð
Fréttir
Fyrir 3 dögum

Edda Björk tapaði í Landsrétti: Þarf að láta synina frá sér innan þriggja vikna

Edda Björk tapaði í Landsrétti: Þarf að láta synina frá sér innan þriggja vikna