Sá norski, Martin Odegaard var hetja Arsenal þegar liðið skaust aftur á topp ensku úrvalsdeildarinnar með sigri á afar lélegu Chelsea liði í kvöld.

Manchester City skaust á toppinn á sunnudag en Arsenal svaraði í kvöld og hefur nú tekist að ná toppsætinu. Martin Odegaard skoraði fyrstu mörk leiksins.

Odegaard kom Arsenal yfir á átjándu mínútu og þrettán mínútum síðar var komið að þeim norska aftur. Á 34 mínútu skoraði svo Gabriel Jesus og kom Arsenal í 3-0.

Arsenal slakaði aðeins á klónni eftir þriðja markið og Noni Madueke lagaði stöðuna fyrir Chelsea með marki í síðari hálfleik

3-1 sigur Arsenal staðreynd og liðið á toppi deildarinnar með 78 stig  þegar liðið á fjóra leiki eftir. City er með tveimur stigum minna en á tvo leiki til góða á Arsenal og er því enn í bílstjórasætinu. Ófarir Chelsea undir stjórn Frank Lampard halda áfram en liðið vinnur ekki leik og skorar lítið sem ekkert af mörkum.