Þetta er mat breska varnarmálaráðuneytisins.
Avdiivka er skammt frá Donetsk og að undanförnu hafa Rússar beint sjónum sínum og kröftum að bænum. En það fer víðs fjarri því að þeir hafi náð þeim árangri sem þeir væntu.
Breska varnarmálaráðuneytið segir í stöðumati um gang stríðsins að Rússar hafi aðeins mjakast örlítið áfram og hafi misst gríðarlega mikið af brynvörðum ökutækjum. Segja Bretarnir að 10. skriðdrekaherdeild Rússa hafi líklega misst stóran hluta af skriðdrekum sínum í tilraununum sínum við að umkringja Avdiivka úr suðri.
Þessi skriðdrekaherdeild er hluti af stærri hersveit sem er að sögn Dagbladet fyrsta stóra hersveitin sem Rússar hafa myndað síðan í ágúst 2022. Þessi hersveit er sögð glíma við lélegan aga hermannanna og lélegan móral. Hún var við æfingar í Hvíta-Rússlandi áður enhún var send í fremstu víglínu en virðist samt ekki til stórræðanna þar að mati ráðuneytisins.