Úkraínumaður að nafni Lázló Balla hlaut í síðustu viku tveggja ára dóm í Héraðsdómi Reykjaness fyrir stórfellt fíkniefnalagabrot, flutning kókaíns til landsins ætluðu til sölu hérlendis. Fíkniefnin voru jafnframt gerð upptæk.

Föstudaginn 23. dsember 2022 flutti Balla inn 2.183,50 g af kókaíni, með styrkleika 83%, en fíkniefnin faldi hann í farangri sínum í flugi frá Póllandi. 

Ákærði játaði brot sitt fyrir dómi. Af gögnum sem lögð voru fyrir dóm var talið að hann hafi ekki verið eigandi  nefndra  fíkniefna  eða  tekið  þátt í  skipulagningu á kaupum og innflutningi þeirra til Íslands með öðrum hætti en þeim að samþykkja að flytja efnin til landsins. Fyrir það kvaðst ákærði aðeins hafa átt að fá fargjald til Íslands og uppihald þar í nokkra daga. Dómari taldi þó ekki hægt að horfa framhjá því að ákærði flutti til landsins umtalsvert magn af sterku kókaíni og meðal annars með hliðsjón af magni þess stæðu allar líkur til þess að það  verið ætlað til  söludreifingar  hér  á  landi í  ágóðaskyni.

Var refsing því metin hæfileg tveggja ára fangelsi og kemur gæsluvarðhald frá 23. desember 2022 til frádráttar. Ákærði var einnig dæmdur til greiðslu alls sakarkostnaðar, tæplega 1,5 milljón króna.