Maður var handtekinn á veitingastað í Miðborginni í gærkvöldi en hann hafði sýnt af sér ógnandi hegðun og ofbeldistilburði. Hann var vistaður í fangageymslu.

Ekið var á ljósastaur og stakk ökumaðurinn af frá vettvangi án þess að tilkynna um óhappið.

Þrír ökumenn voru handteknir grunaðir um að vera undir áhrifum áfengis og/eða fíkniefna. Einn þeirra ók á skilti áður en hann var handtekinn og annar reyndist vera sviptur ökuréttindum.

Einn ökumaður var kærður fyrir að aka án tilskilinna ökuréttinda og er það í annað sinn sem hann er kærður fyrir slíkt brot.

Tilkynnt var um ungmenni að skemma rútu og náðu þau að valda töluverðum skemmdum á rútunni. Málið er í rannsókn.