fbpx
Fimmtudagur 08.desember 2022
Fréttir

Þriggja ára drengur reyndi að verja móður sína fyrir barsmíðum föður síns

Ágúst Borgþór Sverrisson
Fimmtudaginn 29. september 2022 18:15

Héraðsdómur Norðurlands eystra.

Ekki missa af Helstu tíðindum dagsins í pósthólfið þitt

Lesa nánar

Síðastliðinn mánudag var aðalmeðferð við Héraðsdóm Norðurlands eystra í máli manns sem ákærður er fyrir ofbeldisbrot í nánu sambandi og barnaverndarlagabrot. DV hefur ákæru Lögreglustjórans á Norðurlandi eystra undir höndum en í henni greinir frá því að ofbeldið hafi átt sér stað fyrir framan þriggja ára son fólksins sem reyndi að koma móður sinni til hjálpar með eð því að berja í föður sinn.

Maðurinn er sagður hafa ráðist á sambýliskonu sína og barnsmóður á heimili þeirra á Akureyri og klipið hana ítrekað í líkamann. Eftir að konan hringdi í 112 til að kalla eftir hjálp við að fjarlægja manninn úr íbúðinni hafi hann slegið hana föstu hnefahöggi í höfuðið, tekið hana kverkataki, sparkað í hana og kýlt hana ítrekað í hnakkann, auk þess að bíta í fingur hennar og hóta henni lífláti.

Í ákærunni segir ennfremur:

„Afleiðingar þessa fyrir brotaþola voru þær að hún hlaut bólgu ofan við hægri augabrún og fyrir ofan vinstri augabrún, auma bólgubletti aftan til á hnakka hægra megin, klórför framanvert á hálsi hægra megin, 1 cm sár ofan við vinstra viðbein, dreifð þreifieymsli í háls- og herðavöðvum, sár og klórför á vinstra brjósti, klórför á neðanverðum kvið, þreifieymsli og roðasvæði hægra megin á mjóbaki, klórfar vinsta megin á mjóbaki og eymsli eftir hryggsúlu upp eftir öllu baki, mar við vinstri olnboga og bitför og bólga á baugfingri og löngutöng hægri handar.“

Lögreglustjóri krefst þess að maðurinn verði dæmdur til refsingar og greiðslu alls sakarkostnaðar. Konan gerir bótakröfu á manninn upp á 2,6 milljónir króna.

Búast má við að dómur falli í málinu innan fjögurra vikna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ólafur segir fráleitt að tengja ekki raforkukerfi landsins við Evrópu – Gætum þurft á því að halda að flytja inn rafmagn

Ólafur segir fráleitt að tengja ekki raforkukerfi landsins við Evrópu – Gætum þurft á því að halda að flytja inn rafmagn
Fréttir
Í gær

Lögreglan á Suðurnesjum lýsir eftir Thomas

Lögreglan á Suðurnesjum lýsir eftir Thomas
Fréttir
Fyrir 2 dögum

Tálbeitan gómar annan íslenskan mann – Vildi fara í trekant með 11-12 ára stelpum

Tálbeitan gómar annan íslenskan mann – Vildi fara í trekant með 11-12 ára stelpum
Fréttir
Fyrir 2 dögum

320 milljón króna gjaldþrot starfsmannaleigu – Eigandinn Ingimar þegar dæmdur fyrir skattsvik

320 milljón króna gjaldþrot starfsmannaleigu – Eigandinn Ingimar þegar dæmdur fyrir skattsvik