fbpx
Fimmtudagur 08.desember 2022
Fréttir

Íslenskur vændiskaupandi – „Ég skil þetta eiginlega bara sem þjónustu“

Ritstjórn DV
Sunnudaginn 25. september 2022 13:31

Mynd/Karlmennskan

Ekki missa af Helstu tíðindum dagsins í pósthólfið þitt

Lesa nánar

„Ef ég segi alveg eins og er, þá langaði okkar félaga mínum alltaf að fara í threesome. […] Við vorum fullir eitt kvöldið og létum reyna á það. Fórum á einhverja síðu og fundum símanúmer,“ segir ungur karlmaður undir nafnleynd í hlaðvarpinu Karlmennskan þar sem hann lýsir reynslu sinni af og viðhorfum til vændis.

Hún var ekkert rosalega mikið að njóta sín
„Aðstæður seljenda og hvort þær velji þetta af fúsum og frjálsum vilja kemur mér í raun ekkert við. […] Ég skil þetta eiginlega bara sem þjónustu. Kannski eins kalt og það hljómar að þá er allt umfram þessa þjónustu eitthvað sem kemur mér ekkert við,“ svarar ungi kaupandinn aðspurður hvort hann hefði leitt hugann að því hvort konan sem hann keypti vændi af gæti hafa verið þolandi mansals eða væri ekki þarna af fúsum og frjálsum vilja. „Ég þorði eiginlega ekki að leiða hugann að því hvort hún væri þolandi mansals. Kannski vöknuðu grunsemdir þegar ég fylgdist með henni. Hún var ekkert rosalega mikið að njóta sín heldur virtist þetta vera eitthvað sem hún varð að gera.“

Þorsteinn V. Einarsson, umsjónarmaður hlaðvarpsins Karlmennskan. Mynd: Anton Brink

Er núna meira í slutty dömunum

Nafnlausi kaupandinn vísar til spjalls milli íslenskra karlmanna sem eru að ræða sín á milli um konur sem þeir hafa keypt vændi af. Hann lýsir spjallinu sem nokkurskonar ráðleggingum og ábendingum um konur, sem menn deila sín á milli. „Ég hef pínu verið að skoða í kringum mig og það eru ákveðnar síður þar sem maður getur fengið upplýsingar um það fólk sem er á landinu og hvaða þjónustur er hægt að fá. Maður þarf að leita pínu að þessu og fara á milli línanna. Svo eru einhverjar nuddþjónustur líka.“

Á þessari spjallsíðu virðast þátttakendur gefa konum einkunnir og umsagnir, sem eru ansi svæsnar. „Hef heimsótt hana þrisvar, falleg og góð stelpa. Myndi heimsækja hana oftar ef ég væri ógiftur, er núna meira í slutty dömunum.” segir einn þátttakandi á spjallinu.

Giftir menn gjarnan stórkaupendur

Samkvæmt rannsóknum, sem meðal annars er fjallað um í bókinni Venjulegar konur – Vændi á Íslandi, kemur fram að stórkaupendur vændis, sem kaupa vændi reglulega, eru gjarnan giftir sem leita í nánd og kynferðislegar athafnir sem þeir upplifa sig skorta í eigin sambandi.

Talið er að velta íslenska vændisiðnaðarins hlaupi á hundruðum milljóna á ári, þótt kaupin séu bönnuð á Íslandi. „Nei, að þetta sé ólöglegt er ekki að hindra mig. Það gerir mig kannski aðeins varkárari yfir kaupunum. En miðað við mína lífsreynslu og miðað við það sem er ólöglegt og bannað þá er þetta ekkert rosalega ofarlega á þeim lista.“

Hægt er að hlusta á viðtal við kaupanda vændis í hlaðvarpinu Karlmennskan á Spotify og öðrum hlaðvarpsveitum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fréttavaktin: Segir Eflingu hafa svikið sig | Ríkisendurskoðun harðorð

Fréttavaktin: Segir Eflingu hafa svikið sig | Ríkisendurskoðun harðorð
Fréttir
Fyrir 2 dögum

Tálbeitan gómar annan íslenskan mann – Vildi fara í trekant með 11-12 ára stelpum

Tálbeitan gómar annan íslenskan mann – Vildi fara í trekant með 11-12 ára stelpum