fbpx
Þriðjudagur 04.október 2022
Fréttir

Hryðjuverkamálið: Sá sem var handtekinn við Holtasmára var tekinn höndum viku fyrr en sleppt úr haldi

Björn Þorfinnsson
Föstudaginn 23. september 2022 13:15

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Einn þeirra sem situr í gæsluvarðhaldi lögreglu grunaður um skipulagningu hryðjuverka var, samkvæmt heimildum DV,  handtekinn í síðustu viku, sleppt um helgina og svo handtekinn aftur í aðgerð í Holtasmára  í Kópavogi á miðvikudaginn.

Umræddur maður, fæddur árið 1996, er búsettur í Rimahverfi í Grafarvogi og var, eins og áður segir, handtekinn á heimili sínu í aðgerð sérsveitarinnar í síðustu viku. Hann var í haldi lögreglu í tæpa viku en þá sleppt úr haldi. Rúmum sólarhring síðar var hann svo aftur handtekinn í Hlíðarsmára í aðgerð sem vakti talsverðan ugg meðal vegfarenda.

Í samtali við Fréttablaðið í vikunni sagði sjónarvottur að manninum hafi verið þrykkt harkalega inn í lögreglubíl eftir að sérsveit náði að króa hann af. Mikill viðbúnaður lögreglu og sérsveitar hafi ekki farið framhjá neinum.

Fundi íhluti í byssur og breyttan rifil

„Það var hálfgert uppnám og satt að segja var erfitt að horfa á þetta. Það er svo skrítið að sjá vopnaða sérsveitarmenn,“ sagði sjónarvottur í samtali við Fréttablaðið en viðkomandi horfði á aðgerðina út um gluggann á fyrirtæki sínu í Hjartaverndarhúsinu.

Hinn handtekni hefur verið úrskurðaður í vikulangt gæsluvarðhald og þá vekur athygli að reikningum hans á samfélagsmiðlum hefur verið lokað eða eytt.

DV hefur heimildir fyrir því að á heimili mannsins í Grafarvogi hafi lögregla lagt hald á íhluti í þrívíddaprentaðar byssur, prentara, breyttan rifil sem og önnur skotvopn. Skotvopnin hafi verið skráð á föður mannsins og hafi þeim þegar verið skilað tilbaka.

Ekki liggur fyrir hvað gerðist frá því að manninum var sleppt úr haldi lögreglu og þar til að þörf var talinn á því að handtaka hann aftur rúmum sólarhring síðar.

Sagðir hafa rætt fjöldamorð á árshátíð lögreglumanna

Eins og komið hefur fram voru fjórir aðilar handteknir í umfangsmiklum aðgerðum lögreglu á miðvikudaginn, umræddur maður við Holtasmára og þrír aðrir. Holtasmára-maðurinn hefur verið úrskurðaður í vikulangt gæsluvarðhald en hinn maðurinn í tveggja vikna gæsluvarðhald. Hinum tveimur var sleppt eftir yfirheyrslu.

RÚV greindi frá því í hádeginu að tveir mannanna, þar á meðal sá sem handtekinn var í Holtasmára, hafi rætt sín á milli um að fremja fjöldamorð á árshátíð lögreglumanna.

Þá hafði Morgunblaðið greint frá því fyrr í morgun að Anders Breivik hefði verið einn af fyrirmyndum mannsins. Herma heimildir DV að meðal annars hafi stefnuyfirlýsing norska fjöldamorðingjans fundist í tölvu viðkomandi auk annarra gagna.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 7 klukkutímum

Norðmenn kalla mörg þúsund heimavarnarliða til starfa

Norðmenn kalla mörg þúsund heimavarnarliða til starfa
Fréttir
Fyrir 10 klukkutímum

Nemandi í MH: „Ég vil ekki fokking nauðgara í skólanum mínum“

Nemandi í MH: „Ég vil ekki fokking nauðgara í skólanum mínum“
Fréttir
Fyrir 10 klukkutímum

Nafn hins látna í harmleiknum í Ólafsfirði

Nafn hins látna í harmleiknum í Ólafsfirði
Fréttir
Fyrir 13 klukkutímum

Öflug sókn úkraínska hersins í suðri – Sækir fram á tvennum vígstöðvum

Öflug sókn úkraínska hersins í suðri – Sækir fram á tvennum vígstöðvum
Fréttir
Fyrir 13 klukkutímum

Bretar munu styðja Úkraínu þar til sigur hefur unnist á Rússum

Bretar munu styðja Úkraínu þar til sigur hefur unnist á Rússum
Fréttir
Í gær

Guðrún Óla nýr ritstjóri Vikunnar

Guðrún Óla nýr ritstjóri Vikunnar
Fréttir
Í gær

Ástralar með nýjar refsiaðgerðir gegn Rússlandi

Ástralar með nýjar refsiaðgerðir gegn Rússlandi