Á tíunda tímanum í gærkvöldi var tilkynnt um yfirstandandi innbrot í hús í Grafarholti. Við athugun lögreglunnar kom í ljós að ekki var um innbrotsþjóf að ræða heldur einfaldlega húsráðandann. Hann var læstur úti og var að reyna að komast inn.

Annars var kvöld- og næturvaktin með rólegra móti hjá lögreglunni á höfuðborgarsvæðinu. 28 mál voru bókuð í dagbók frá klukkan 19.00 til 05.00.

Einn ökumaður var handtekinn, grunaður um að vera undir áhrifum fíkniefna. Annar var kærður fyrir að aka án tilskilinna ökuréttinda.

Einn var handtekinn í verslun í Miðborginni en sá var í annarlegu ástandi. Hann var vistaður í fangageymslu.