fbpx
Fimmtudagur 29.september 2022
Fréttir

Gassamningurinn getur styrkt Kína og veikt Rússland

Kristján Kristjánsson
Þriðjudaginn 20. september 2022 18:00

Pútín og Xi sömdu um kaup Kínverja á rússnesku gasi. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Samband Rússlands og Vesturlanda er við frostmark ef ekki fyrir neðan frostmark. Hætt hefur verið við að taka Nord Stream 2 gasleiðsluna í notkun og Rússar hafa skrúfað fyrir gasstreymi í gegnum Nord Stream 1. Þeir hafa nú snúið sér í austur og ætla að leggja risastóra gasleiðslu til Kína.

Það er rökrétt en felur einnig í sér ákveðna áhættu að mati Lars Johannsen, lektors í stjórnmálafræði við Árósaháskóla. Í samtali við TV2 sagði hann að eins og staðan sé núna sé þetta skiljanlegt en til lengri tíma litið geti þetta orðið til þess að Rússar verði undir Kína settir hvað varðar stöðu ríkjanna.

Í síðustu viku var tilkynnt að Rússar og Kínverjar hafi samið um kaup Kínverja á 50 milljörðum rúmmetra af gasi frá Rússlandi árlega.

Johannsen benti á að gas sé stór hluti af tekjum Rússa í erlendum gjaldmiðlum. Sala á orkugjöfum úr landi sé stór hluti af rússneskum efnahag og útflutningi. Nú geti Rússar ekki lengur treyst á hungur ESB-ríkja eftir orku því Vesturlönd ætli ekki að fara aftur í þá stöðu sem var fyrir innrás Rússa í Úkraínu. Jafnvel þótt stríðinu ljúki verði staðan erfið fyrir Rússland. Evrópa og restin af Vesturlöndum muni ekki byrja að kaupa jafn mikið af gas og áður því fólk vilji ekki lenda í sömu stöðu og áður hvað varðar að vera háð orku frá Rússlandi.

Rússar eiga í erfiðleikum með að losna við gas núna og því er að mati Johannsen eðlilegt að þeir semji við Kínverja. En Kínverjar séu stærri sigurvegari en Rússar hvað varðar þennan samning.

Þeir hafa sífellt meiri þörf fyrir orku og gas frá Rússlandi hjálpar þeim við að leysa úr þeirri þörf.

Sala á gasi til Kína mun skipta Rússa miklu máli en Johannsen sagði að salan geti samt verið „eiturpilla“ fyrir Rússland. Ekki liggi fyrir hver langtímaáhrif samningsins verði og ekki sé útilokað að Rússar verði háðir því að selja Kínverjum gas í staðinn fyrir að selja það til Evrópu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 6 klukkutímum

Innbrotsþjófurinn skildi þýfið eftir

Innbrotsþjófurinn skildi þýfið eftir
Fréttir
Fyrir 8 klukkutímum

Lögreglan lýsir eftir Irenu

Lögreglan lýsir eftir Irenu
Fréttir
Í gær

Dularfull drónaflug við norska borpalla

Dularfull drónaflug við norska borpalla
Fréttir
Í gær

Segir að NATO eigi að bregðast við notkun kjarnorkuvopna í Úkraínu með „gjöreyðandi“ hætti

Segir að NATO eigi að bregðast við notkun kjarnorkuvopna í Úkraínu með „gjöreyðandi“ hætti