fbpx
Mánudagur 26.september 2022
Fréttir

Sara orðlaus yfir hroka og dónaskap þeirra sem fóru að eldgosinu – „Hver ól þau upp?“

Máni Snær Þorláksson
Fimmtudaginn 4. ágúst 2022 19:15

Myndin er samsett - Mynd af eldgosinu: Anton Brink

Ekki missa af Helstu tíðindum dagsins í pósthólfið þitt

Lesa nánar

Líkt og alþjóð veit þá hófst eldgos á Reykjanesskaga í gær, nánar tiltekið um 1,5 kílómetrum frá Stóra-Hrút. Þegar eldgosið hófst varð strax ljóst að fjölmargir almennir borgarar myndu gera sér ferð að því, líkt og að eldgosinu í fyrra.

Almannavarnadeild ríkislögreglustjóra var því fljót að biðja fólk um að vera ekki að drífa sig upp að gosinu, að minnsta kosti ekki fyrr en búið væri að ganga úr skugga um að allt væri öruggt.

Það kom ábyggilega fáum á óvart að þessar leiðbeiningar fóru inn um eitt eyrað og út um hitt hjá um 10.000 manns sem mættu á gossvæðið þvert á leiðbeiningar Almannavarna.

„Við höfum áhyggjur af öllum þessum mannfjölda og vonum að fólk beiti nú skynseminni og sé vel útbúið og vant göngu, þetta er ekki fyrir fólk sem er ekki vant því að fara í fjallgöngur,“ sagði Víðir Reynisson, yfirlögregluþjónn hjá Almannavörnum, í samtali við RÚV um málið í gær.

„Þoli ekki svona“

Á samfélagsmiðlum hefur mikill fjöldi fólks hneykslast á þeim sem fóru upp að gosinu þrátt fyrir að Almannavarnir hafi beðið fólk um að gera það ekki.

Sara Oskarsson, fyrrverandi þingmaður Pírata, er á meðal þeirra sem hneykslar sig á þessu en hún birti í dag færslu á Facebook-síðu þar sem hún hraunar yfir þau sem fóru að eldgosinu.

„Ótrúlegur hroki að rjúka upp að gosstöðvum sem almennur borgari þegar að yfirvöld eru að grátbiðja um svigrúm til að meta stöðuna, setja upp gasmæla og reyna að manna svæðið,“ segir Sara.

„Svona fólk er blindað af yfirlæti, hroka og fer fram með yfirgangi og hreinum og beinum dónaskap. Þoli ekki svona.“

Í athugasemdunum heldur Sara áfram að hneyksla sig en hún deilir til dæmis frétt Fréttblaðsins um að þyrla hafi þurft að sækja ökklabrotinn mann við gosið. „Svo er fólk að slasa sig og þiggja þá þjónustu í kringum það og setja álag á allt. Maður verður orðlaus. Hver ól þau upp?“ segir Sara við því.

Maður nokkur segir í athugasemdunum við færslu Söru að svona séu Íslendingar í hnotskurn. „Ég um mig frá mér til mín og öðrum kemur það ekki við er eini hugsunarhátturinn sem kemst að í galtómum hausnum á þessum íbúum skrípaskers.“
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 7 klukkutímum

Reiði yfir herkvaðningu – Slást og kvarta á samfélagsmiðlum

Reiði yfir herkvaðningu – Slást og kvarta á samfélagsmiðlum
Fréttir
Fyrir 7 klukkutímum

Í vímu á 164 kílómetra hraða

Í vímu á 164 kílómetra hraða
Fréttir
Fyrir 2 dögum

„Gjörsamlega sláandi“ hækkun á útgjöldum íslenskra heimila – Þurfa að borga allt að 128 þúsundum meira á mánuði en fyrri ári

„Gjörsamlega sláandi“ hækkun á útgjöldum íslenskra heimila – Þurfa að borga allt að 128 þúsundum meira á mánuði en fyrri ári
Fréttir
Fyrir 2 dögum

Ný Fréttavakt: Helgi Seljan og Þóra Arnórsdóttir í ítarlegu viðtali um Samherjamálið

Ný Fréttavakt: Helgi Seljan og Þóra Arnórsdóttir í ítarlegu viðtali um Samherjamálið