fbpx
Föstudagur 19.ágúst 2022
Fréttir

Skotárás í verslunarmiðstöð í Kaupmannahöfn – „Hún grét og grét“ segir móðir stúlku sem var á staðnum – Uppfærð frétt

Máni Snær Þorláksson
Sunnudaginn 3. júlí 2022 17:04

Mynd frá svæðinu/EPA

Ekki missa af Helstu tíðindum dagsins í pósthólfið þitt

Lesa nánar

Um klukkan 18 að staðartíma heyrðust skothljóð í verslunarmiðstöðinni Fields í Kaupmannahöfn. Samkvæmt dönsku lögreglunni var um skotárás að ræða en í færslu sem lögreglan birti á Twitter-síðu sinni segir að nokkrir einstaklingar hafi verið skotnir.

Í myndum frá svæðinu má sjá marga sjúkrabíla og hóp af vopnuðum lögreglumönnum sem. Lögreglan hefur lokað svæðinu í kringum verslunarmiðstöðina og lögregluþyrla sveimar yfir svæðinu. Fólk hefur verið beðið um að halda sig fjarri en þau sem eru stödd inni í verslunarmiðstöðinni hafa verið beðin um að halda sig kyrr þar til lögreglan kemur.

DR ræddi við Laurits Hermansen sem var staddur í verslunarmiðstöðinni ásamt fjölskyldunni sinni þegar þau heyrðu skothljóðin. „Við vorum þarna með þremur ungu börnunum okkar og vorum að máta föt í H&M þegar við heyrðum þrjú eða fjögur skothljóð, mjög hávær. Það hljómaði eins og skothljóðin væru að koma við hliðina á fyrstu hæð verslunarinnar. Svo kom fólk hlaupandi inn í búðina og öskraði: „þetta eru skot, þetta eru skot“,“ segir Hermansen en hann og fjölskylda hans náðu að komast út í gegnum neyðarútgang.

„Við vorum að sjálfsögðu hrædd um að einhver myndi standa og bíða eftir okkur við útganginn en við náðum að komast í bílinn okkar og keyra í burtu. Það var þá sem við sáum lögregluna koma.“

Þá ræddi DR einnig við konu að nafni Karina Ulfkær en dóttir hennar var stödd í verslunarmiðstöðinni þegar skothríðin átti sér stað. „Hún hringdi í mig og sagði: „Mamma, þeir eru að skjóta, þeir eru að skjóta.“ Hún grét og grét,“ segir Karina.

Uppfært kl. 18:40

Nú liggur fyrir að unglingsstúlka er látin eftir árásina. Árásarmaðurinn var vopnaður riffli.

Uppfært kl. 18:45

Árásarmaðurinn er í haldi lögreglu en hann gafst upp fyrir lögreglu eftir að skotið hafði verið viðvörunarskotum að honum.

Uppfært kl. 18:45

Öll sjúkrahús í Kaupamannahöfn eru á hæsta viðbúnaðarstigi og starfsfólk hefur verið kallað úr fríum til að hlúa að þeim sem eru særðir eftir árásina. Fjöldi þeirra liggur ekki fyrir.

Uppfært kl. 18:55

Eitt staðfest lát liggur fyrir eftir árásina og þrír eru á gjörgæslu. Fleiri gætu hafa látist. Hinn handtekni er 22 ára gamall Dani. Ekki liggur fyrir hvort fleiri hafi verið að verki. Lögregla útilokar ekki hryðjuverk.

Uppfært kl. 18:55

Móðir unglingsstúlku sem lét lífið í árásinni var skotin í læri og bak. Konan er enn lifandi. – Víðtækar lögregluaðgerðir um nær allt land og leyniþjónusta hefur einnig blandað sér í rannsóknina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli

Ökumaður rafmagnshlaupahjóls grunaður um að hafa verið undir áhrifum – Meiddist töluvert þegar hún féll af rafmagnshlaupahjóli
Fréttir
Fyrir 2 dögum

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“ 

Var misnotaður af eldri bróður sínum – „Lögreglan var aldrei að vinna með okkur, heldur alltaf að vinna á móti okkur.“