fbpx
Föstudagur 12.ágúst 2022
Fréttir

Slösuðust í umferðarslysi – Tjónvaldurinn í vímu

Kristján Kristjánsson
Fimmtudaginn 21. júlí 2022 05:40

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Um klukkan 21 í gærkvöldi var tilkynnt um umferðarslys í Garðabæ. Þar höfðu tvær bifreiðar lent í árekstri. Ökumaður annarrar bifreiðarinnar og tveir synir hans, sem voru með honum í bifreiðinni, meiddust allir. Tjónvaldurinn var handtekinn en hann er grunaður um að hafa verið undir áhrifum áfengis og fíkniefna og að hafa ekki miðað ökuhraða við aðstæður.

Fimm aðrir ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna. Einn þeirra reyndist ekki vera með gild ökuréttindi og annar reyndist vera sviptur ökuréttindum.

Tveir ökumenn voru kærðir fyrir of hraðan akstur í nótt. Annar fyrir að aka á 114 km/klst á Kringlumýrarbraut þar sem leyfðu hámarkshraði er 80 km/klst. Hinn var kærður fyrir að aka á 156 km/klst, einnig á Kringlumýrarbraut. Hann er aðeins 17 ára. Hann var fluttur á lögreglustöð þar sem hann var sviptur ökuréttindum til bráðabirgða. Forráðamaður sótti ökumanninn á lögreglustöðina.

Í Garðabæ varð slys í undirgöngum á sjötta tímanum í gær. Þar lentu vespa og reiðhjól í árekstri. Reiðhjólamaðurinn, sextugur karlmaður, meiddist á fæti. Honum var ekið heim af sjúkraflutningsmönnum eftir að þeir höfðu veitt honum aðhlynningu á vettvangi. Tveir 15 ára drengir voru á vespunni og slösuðust þeir ekki. Rætt var við foreldra þeirra.

Lítill bátur strandaði við Álftanes á áttunda tímanum. Björgunarsveit var ræst út og var báturinn laus og kominn að bryggju um 1 ½ klukkustund síðar.

Um klukkan þrjú var maður í annarlegu ástandi handtekinn í Laugarneshverfi. Hann gat ekki gert grein fyrir sér og var því vistaður í fangageymslu. Ætluð fíkniefni fundust við leit á honum.

Í Hafnarfirði var tilkynnt um ungt fólk við fíkniefnaneyslu í bifreið á tíunda tímanum í gærkvöldi. Fimm ungir menn voru á vettvangi og viðurkenndu þeir að hafa neytt fíkniefna en voru búnir með þau þegar lögreglu bar að. Þeir eru allir eldri en 18 ára.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ákærður fyrir að hafa nauðgað fatlaðri konu ítrekað

Ákærður fyrir að hafa nauðgað fatlaðri konu ítrekað
Fréttir
Í gær

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“

Rússneska sendiráðið segist ekki bera ábyrgð á netárás á vef Fréttablaðsins í morgun – „Mér finnst þetta ekki hörð viðbrögð í málinu“
Fréttir
Í gær

Reyndi að skalla lögreglumann

Reyndi að skalla lögreglumann
Fréttir
Í gær

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni

Sölvi Tryggvason á fulla ferð að nýju – Birtir fjögur ný hlaðvarpsviðtöl á heimasíðu sinni
Fréttir
Fyrir 2 dögum

Drífa Snædal segir af sér

Drífa Snædal segir af sér
Fréttir
Fyrir 2 dögum

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“

Sólveig Anna segir að Gabríel sé með sig á heilanum – „Aumkunarverður maður það skásta sem ég get sagt“
Fréttir
Fyrir 2 dögum

Reiði í garð lögreglunnar vegna meints hatursglæps á Hellu – „Óþolandi og með öllu ólíðandi“

Reiði í garð lögreglunnar vegna meints hatursglæps á Hellu – „Óþolandi og með öllu ólíðandi“
Fréttir
Fyrir 3 dögum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum

Undrabörnin áttu sviðið á Ólympíuskákmótinu – Heimsmeistarinn Magnus Carlsen gat ekki bjargað Norðmönnum frá ótrúlegum hörmungum