Fréttablaðið skýrir frá þessu og vísar í svar Jóns Gunnarssonar, dómsmálaráðherra, við fyrirspurn Andrésar Inga Jónssonar, þingmanns Pírata.
Í svarinu kemur fram að róandi lyf hafi verið gefin til að koma í veg fyrir að viðkomandi skaði sjálfan sig og aðra. Það er heilbrigðisstarfsfólk sem tekur ákvörðun um lyfjagjöf af þessu tagi og framkvæmir hana.
Í svarinu kemur einnig fram að róandi lyf hafi ekki verið gefin gegn vilja fólks til að auðvelda brottvísunina, það er að segja til að gera viðkomandi meðfærilegri.
Einnig kemur fram í svarinu að ef róandi lyf sé gefið sé framkvæmdinni frestað þar til læknir metur að óhætt sé að flytja viðkomandi.
