fbpx
Miðvikudagur 22.júní 2022
Fréttir

Segir að það stefni hratt í að ákveðin byggðarlög verði læknislaus á næstu árum

Kristján Kristjánsson
Miðvikudaginn 22. júní 2022 09:00

Steinunn Þórðardóttir

Ekki missa af Helstu tíðindum dagsins í pósthólfið þitt

Lesa nánar

Ef ekkert verður að gert stefnir hratt í að ákveðin byggðarlög verði læknislaus innan fárra ára. Þetta segir Steinunn Þórðardóttir, formaður Læknafélags Íslands. Hún segir að heilbrigðisþjónustan hangi víða á bláþræði vegna manneklu og fjöldi lækna sé að komast á eftirlaunaaldur og ekki sé að sjá að einhver komi í þeirra stað.

„Það sem mér fannst verst var að sjá að við erum ekki vel sett neins staðar þegar kemur að mönnun,“ sagði Steinunn um heilbrigðisþjónustu á landsbyggðinni þegar hún ræddi við Fréttablaðið.

Hún sagðist sjálf starfa á Landspítalanum og hafi gert alla sína starfsævi hér á landi. „Maður heldur alltaf að við séum á botninum varðandi mönnun og starfsumhverfi, en svo kemur í ljós að við erum öll á sama báti. Og það virðist vera sem enginn sé að koma til að bjarga okkur,“ sagði hún en hún lauk nýlega hringferð um landið þar sem hún heimsótti heilbrigðisstofnanir og ræddi við lækna.

„Á stærri stöðum eins og Selfossi, Akureyri og Egilsstöðum er mjög þungt hljóð í fólki, veruleg mannekla og vaxandi álag. Það er skortur og þá sérstaklega í heilsugæslunni. Til dæmis á Selfossi. Þetta er svæði þar sem íbúum hefur fjölgað gríðarlega, þar er risastór sumarhúsabyggð og mikill ferðamannafjöldi fer þarna í gegn daglega. En á sama tíma hefur heilsugæslulæknum ekki fjölgað og þá erum við að tala um mörg ár aftur í tímann,“ sagði hún og bætti við að aðstaðan sé ekki til fyrirmyndar: „Bráðamóttakan þar er gjörsamlega sprungin og í algjörlega óviðunandi húsnæði sem er í raun engan veginn í stakk búið til að taka við öllu þessu álagi.“

Hún sagði að læknar á landsbyggðinni kvarti einna helst undan aðstöðunni og manneklu. Þeir þurfi að standa margar vaktir og séu bundnir yfir þeim sólarhringum saman.

Hún benti á að í sumum minni byggðarlögum séu starfandi læknar að nálgast eftirlaunaaldurinn. Sumir þeirra séu nánast alltaf einir á vakt og hafi verið árum og jafnvel áratugum saman. Spurningin sé hvað verði gert þegar þessir læknar fara á eftirlaun? Ekki sé að sjá að nein áætlun sé til staðar um hvernig verði brugðist við.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum
Banaslys á Djúpavogi
Fréttir
Fyrir 19 klukkutímum

Útför Árna Gils er á fimmtudaginn

Útför Árna Gils er á fimmtudaginn
Fréttir
Fyrir 20 klukkutímum

Kattastríðið á Seltjarnarnesi: Hvað lög gætu hjónin í Bakkavör verið að brjóta?

Kattastríðið á Seltjarnarnesi: Hvað lög gætu hjónin í Bakkavör verið að brjóta?
Fréttir
Í gær

Litháar loka fyrir vöruflutninga til Kalíningrad – Rússar hóta hefndum

Litháar loka fyrir vöruflutninga til Kalíningrad – Rússar hóta hefndum
Fréttir
Í gær

Líkamsárás og bílþjófnaður

Líkamsárás og bílþjófnaður
Fréttir
Í gær

Sýknaður af ákæru um nauðgun – Áverkar eftir endaþarmsmök

Sýknaður af ákæru um nauðgun – Áverkar eftir endaþarmsmök
Fréttir
Í gær

Hjónin á Bakkavör halda áfram að loka inni ketti – „Ætluðu ekki að sleppa kettinum nema við værum í fylgd lögreglu“

Hjónin á Bakkavör halda áfram að loka inni ketti – „Ætluðu ekki að sleppa kettinum nema við værum í fylgd lögreglu“
Fréttir
Fyrir 2 dögum

Þriggja bíla árekstur í Hvalfjarðargöngunum

Þriggja bíla árekstur í Hvalfjarðargöngunum
Fréttir
Fyrir 2 dögum

Karlmaður sakaður um grófa og ítrekaða áreitni við börn í strætisvagni – „Yngri stelpan vill ekki fara í strætó aftur“

Karlmaður sakaður um grófa og ítrekaða áreitni við börn í strætisvagni – „Yngri stelpan vill ekki fara í strætó aftur“